fbpx
Fimmtudagur 23.september 2021
Pressan

Bezos býður NASA milljarðaafslátt af geimfari

Kristján Kristjánsson
Mánudaginn 2. ágúst 2021 07:30

Jeff Bezos. Mynd/Getty

Ekki missa af Helstu tíðindum dagsins í pósthólfið þitt

Lesa nánar

Í apríl tilkynnti Bandaríska geimferðastofnunin NASA að SpaceX, fyrirtæki Elon Musk, myndi fá samning um smíði geimfars fyrir stofnunina. Geimfarið á að vera tilbúið 2024 og geta flutt geimfara til tunglsins. Einn af keppinautum SpaceX um verkefnið var Blue Origin, fyrirtæki Jeff Bezos, stofnanda netverslunarinnar Amazon.

Bezos hefur ekki gefið upp alla von um að fá að smíða geimskipið fyrir NASA og hefur nú boðið stofnuninni tveggja milljarða dollara afslátt af því gegn því að fá að smíða geimfar fyrir stofnunina.

Þegar NASA valdi SpaceX sögðu talsmenn stofnunarinnar að þeir hefðu valið eitt fyrirtæki því hún hefði ekki efni á að láta tvö fyrirtæki keppa um verkefnið. En nú reynir Bezos að komast inn í verkefnið með því að bjóða góðan afslátt.

„Vegna fjárskorts féll NASA frá upphaflegri áætlun um að vera með tvö fyrirtæki í verkefninu. Þetta tilboð ryður þeirri hindrun úr vegi. Án samkeppni mun tungláætlun NASA, bæði til skamms tíma og langs, seinka og verða dýrari. Það þjónar ekki hagsmunum þjóðarinnar,“ segir í bréfi Bezos til NASA.

Samningur SpaceX við NASA er upp á tæplega þrjá milljarða dollara. Samningurinn er hluti af Artemisáætluninni en með henni á að afla reynslu með nýjum tunglferðum, reynslu sem nýtist þegar fólk verður sent til Mars á næsta áratug.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Ítalir færast skrefi nær því að lögleiða hass

Ítalir færast skrefi nær því að lögleiða hass
Pressan
Fyrir 2 dögum

Sænski sóttvarnalæknirinn telur að ferðatakmarkanir muni verða í gildi í Svíþjóð í mörg ár

Sænski sóttvarnalæknirinn telur að ferðatakmarkanir muni verða í gildi í Svíþjóð í mörg ár
Pressan
Fyrir 3 dögum

Telja sig hafa fundið lík Gabby Petito – Unnustinn grunaður og hans er nú leitað

Telja sig hafa fundið lík Gabby Petito – Unnustinn grunaður og hans er nú leitað
Pressan
Fyrir 3 dögum

Gerði óvænta og hrollvekjandi uppgötvun um kvensjúkdómalækninn sinn

Gerði óvænta og hrollvekjandi uppgötvun um kvensjúkdómalækninn sinn