fbpx
Laugardagur 03.desember 2022
Pressan

Litháar saka Hvítrússa um að senda flóttamenn yfir landamærin

Kristján Kristjánsson
Laugardaginn 26. júní 2021 07:30

Minsk í Hvíta-Rússlandi.

Ekki missa af Helstu tíðindum dagsins í pósthólfið þitt

Lesa nánar

Það sem af er ári hafa um 160 manns, aðallega Írakar, komið til Litháens frá Hvíta-Rússlandi. Þetta eru þrisvar sinnum fleiri en komu allt síðasta ár. Agne Bilotaite, innanríkisráðherra Litháen, segir að þessi flóttamannastraumur geti ekki verið nein tilviljun og segir að Hvítrússar sendi flóttamennina til Litháen til að reyna að raska jafnvæginu í landinu.

Samband ríkjanna hefur verið mjög stirt og mikil spenna ríkt á milli þeirra eftir forsetakosningarnar í Hvíta-Rússlandi á síðasta ári þar sem Aleksander Lukasjenko hélt völdum þrátt fyrir mikla andstöðu almennings en hann hefur barið hana niður harðri hendi.

Bilotaite segir að stjórnin í Hvíta-Rússlandi beiti nú blendingshernaði gegn Litháen og það að senda flóttamenn yfir landamærin sé liður í þeirri baráttu. „Þetta er vel skipulagt. Það er áætlunarflug frá Bagdad og Istanbúl til Minsk,“ sagði ráðherrann nýlega og vísaði þar til Íraka sem koma fljúgandi til Minsk, höfuðborgar Hvíta-Rússlands, og halda síðan áfram för sinni að landamærunum að Litháen.

Independent segir að það sem af er ári hafi um 160 manns, aðallega Írakar, komið til Litháen frá Hvíta-Rússlandi en það eru þrisvar sinnum fleiri en allt síðasta ár. Í síðustu viku voru níu Írakar handteknir á landamærunum þegar þeir reyndu að komast til Litháen frá Hvíta-Rússlandi.

Landamæri ríkjanna eru um 680 kílómetra löng og eru hluti af ytri landamærum ESB . Löndin hafa að undanförnu vísað stjórnarerindrekum hvors annars úr landi og í maí tóku refsiaðgerðir ESB gegn Hvíta-Rússlandi gildi en samkvæmt þeim mega þarlend flugfélög ekki fljúga í loftheldi ESB-ríkjanna né nota flugvelli þeirra. Þetta var gert eftir að flugvél frá Ryanair var neydd til að lenda í Minsk til að hægt væri að handtaka pólitískan andstæðing Lukasjenko.

Lukasjenko hefur svarað ásökunum Litháa og nýjum refsiaðgerðum með því að hóta að slaka á landamæraeftirliti hvað varðar flóttamenn og fíkniefni. Litháen hefur árum saman verið einn helsti gagnrýnandi Lukasjenko og stjórnar hans og í höfuðborginni Vilnius halda margir andstæðingar hans til en þeir eru í útlegð.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 3 dögum

Ótrúleg skýring hjá lögreglunni – Segir að rottur hafi étið mörg hundruð kíló af kannabis

Ótrúleg skýring hjá lögreglunni – Segir að rottur hafi étið mörg hundruð kíló af kannabis
Pressan
Fyrir 3 dögum

Þriðji rafmyntamilljarðamæringurinn látinn á skömmum tíma – Samsæriskenningar fá byr undir báða vængi

Þriðji rafmyntamilljarðamæringurinn látinn á skömmum tíma – Samsæriskenningar fá byr undir báða vængi
Pressan
Fyrir 4 dögum

Unglingsstúlka fraus í hel þegar hún reyndi að ná markmiði sínu

Unglingsstúlka fraus í hel þegar hún reyndi að ná markmiði sínu
Pressan
Fyrir 4 dögum

Skelfilegt morðmál – Líkhlutum skolaði upp á land – Búið að fjarlægja líffæri

Skelfilegt morðmál – Líkhlutum skolaði upp á land – Búið að fjarlægja líffæri
Pressan
Fyrir 5 dögum

Hvað er í gangi? – Í annað sinn á skömmum tíma sem hann sýnir „mest elskaða barnið sitt“

Hvað er í gangi? – Í annað sinn á skömmum tíma sem hann sýnir „mest elskaða barnið sitt“
Pressan
Fyrir 5 dögum

Telja að blanda ísbjarna og brúnbjarna muni ryðja sér til rúms

Telja að blanda ísbjarna og brúnbjarna muni ryðja sér til rúms
Pressan
Fyrir 5 dögum

Walt Disney kaupir eitt stærsta skemmtiferðaskip heims

Walt Disney kaupir eitt stærsta skemmtiferðaskip heims
Pressan
Fyrir 6 dögum

Helsjúkt loforð á brúðkaupsnótt átti eftir að hafa afdrifaríkar afleiðingar

Helsjúkt loforð á brúðkaupsnótt átti eftir að hafa afdrifaríkar afleiðingar
Pressan
Fyrir 6 dögum

Á einum mánuði varð hann einn ríkasti maður heims

Á einum mánuði varð hann einn ríkasti maður heims