fbpx
Laugardagur 13.ágúst 2022
Pressan

Deltaafbrigði kórónuveirunnar hefur borist til 74 landa – Mun meira smitandi en önnur afbrigði

Kristján Kristjánsson
Miðvikudaginn 16. júní 2021 22:00

Kórónuveira. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Deltaafbrigði kórónuveirunnar hefur nú fundist í 74 löndum um allan heim, þar á meðal í Kína, Bandaríkjunum, Norðurlöndunum og við Kyrrahaf. Afbrigðið, sem átti uppruna sinn á Indlandi, er mun meira smitandi en önnur afbrigði veirunnar.

Í Bandaríkjunum fer smitum nú fjölgandi og tvöfaldast aðra hverja viku. Hér í Evrópu eru það Bretar sem hafa farið einna verst út úr þessu afbrigði en þar fjölgaði smitum um 64% í síðustu viku frá vikunni á undan. The Guardian segir að deltaafbrigðið eigi sök á rúmlega 90% allra smita í landinu þessa dagana.

The Guardian hefur eftir Ashish Jha, yfirmanni lýðheilsudeildar Brown háskólans í Bandaríkjunum, að deltaafbrigðið sé það mest smitandi sem hefur komið fram enn sem komið er. Það er sagt valda alvarlegri veikindum og einkennum en önnur afbrigði veirunnar. Samkvæmt því sem indverskir læknar segja þá glíma sjúklingar við magaverki, ógleði, uppköst, lystarleysi, heyrnartap og liðaverki.

Staðan í Bretlandi varð til þess á mánudaginn að Boris Johnson, forsætisráðherra, tilkynnti að afnámi sóttvarnaaðgerða verði frestað um fjórar vikur en þær áttu að falla úr gildi 19. júní.

Fréttir frá Guangzhou í Kína hafa vakið miklar áhyggjur en samkvæmt þeim þá hafa 12% smitaðra orðið alvarlega veikir innan þriggja til fjögurra daga frá því að sjúkdómseinkenni gerðu vart við sig. Þetta er allt að fjórum sinnum hærra hlutfall en í fyrri holskelfum faraldursins.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Tólf ára stúlka nagaði dögum saman í sundur reipi og slapp – Lögregla fékk áfall við húsleitina

Tólf ára stúlka nagaði dögum saman í sundur reipi og slapp – Lögregla fékk áfall við húsleitina
Pressan
Fyrir 2 dögum

Fjölskyldan tók óafvitandi eitraðan minjagrip með heim frá Svíþjóð

Fjölskyldan tók óafvitandi eitraðan minjagrip með heim frá Svíþjóð
Pressan
Fyrir 2 dögum

Gefa út viðvörun – Mestu þurrkar í Evrópu í 200 ár

Gefa út viðvörun – Mestu þurrkar í Evrópu í 200 ár
Pressan
Fyrir 2 dögum

Úkraínubúar safna milljónum fyrir herinn með sölu nektarmynda

Úkraínubúar safna milljónum fyrir herinn með sölu nektarmynda
Pressan
Fyrir 3 dögum

Er þetta sætasta atvinnutækifærið í dag? 10 milljónir fyrir að borða sælgæti

Er þetta sætasta atvinnutækifærið í dag? 10 milljónir fyrir að borða sælgæti
Pressan
Fyrir 3 dögum

Milljarðamæringar fjármagna „fjársjóðsleit“ á Grænlandi

Milljarðamæringar fjármagna „fjársjóðsleit“ á Grænlandi