fbpx
Þriðjudagur 30.nóvember 2021
Pressan

„Þetta er þjóðarmorð. Þeir skjóta meira að segja á skugga.“

Kristján Kristjánsson
Mánudaginn 12. apríl 2021 07:00

Mótmælendur minnast mótmælanda sem herinn skaut til bana. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Frá því að herinn í Mjanmar rændi völdum þann 1. febrúar hafa hermenn drepið rúmlega 700 óbreytta borgara sem hafa mótmælt valdaráninu. Á föstudaginn er talið að hermenn hafi drepið rúmlega 80 manns í Bago en samtökin Assistance Association for Political Prisoners telja að mun fleiri hafi verið drepnir.

Fjölmiðlar í Mjanmar segja að óvissuna um fjölda látinna megi rekja til þess að herinn fjarlægði líkin fljótlega. Heimildarmenn sögðu Myanmar Now að líkin hefðu verið flutt í nærliggjandi hof og skóla þar sem þeim hafi verið staflað upp.

Mjanmar fékk sjálfstæði frá Bretum 1948 en herinn hefur að mestu stýrt landinu síðan. Á síðasta áratug byrjaði hann að slaka á heljartökum sínum og 2015 voru fyrstu lýðræðislegu kosningar sögunnar haldnar í landinu. 2016 tók ríkisstjórn undir forystu Aung San Suu Kyi við völdum. Í nóvember á síðasta ári fóru kosningar fram og sigraði flokkur Aung San Suu Kyi örugglega, hlaut 80% atkvæða. Þetta fór illa í yfirmenn hersins og segja þeir að um kosningasvindl hafi verið að ræða og réttlæta þeir valdarán hersins með því.

„Þetta er þjóðarmorð. Þeir skjóta meira að segja á skugga,“ sagði Ye Htut, einn af skipuleggjendum mótmælanna gegn herforingjastjórninni, í samtali við Myanmar Now.

Assistance Association for Political Prisoners segja að rúmlega 700 hafi verið drepnir af hernum og tæplega 4.000 handteknir síðan herinn tók völdin.

Mótmælin í landinu hafi verið fjölmenn og hafa staðið yfir stanslaust síðan valdaránið þann 1. febrúar batt enda á lýðræðislega þróun í landinu. Alþjóðasamfélagið hefur ítrekað gagnrýnt herinn en hann lætur alla gagnrýni sem vind um eyru þjóta. Það er kannski engin furða því það má eiginlega líkja hernum við skipulögð glæpasamtök eins og kemur fram í nýlegri umfjöllun DV.

Herinn í Mjanmar er sá ríkasti í heimi – Umsvifamikill í fíkniefnaviðskiptum

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Japanar loka landinu vegna Omikron

Japanar loka landinu vegna Omikron
Pressan
Í gær

Í dag hefjast réttarhöldin sem ríka, fræga og valdamikla fólkið óttast

Í dag hefjast réttarhöldin sem ríka, fræga og valdamikla fólkið óttast
Pressan
Fyrir 2 dögum

Bandaríkin dæla olíu úr varabirgðum sínum út á markaðinn

Bandaríkin dæla olíu úr varabirgðum sínum út á markaðinn
Pressan
Fyrir 2 dögum

Vísindamenn staðfesta að þetta er manngert

Vísindamenn staðfesta að þetta er manngert
Pressan
Fyrir 2 dögum

Málið hefur verið óleyst í 25 ár – Nú hafa þrjú verið handtekin fyrir morðið á 14 ára stúlkunni

Málið hefur verið óleyst í 25 ár – Nú hafa þrjú verið handtekin fyrir morðið á 14 ára stúlkunni
Pressan
Fyrir 3 dögum

Aldrei of seint á svo sannarlega við um Manfred Steiner

Aldrei of seint á svo sannarlega við um Manfred Steiner