fbpx
Þriðjudagur 24.nóvember 2020
Pressan

Sérfræðingur hjá WHO varar við efasemdum um bólusetningar

Kristján Kristjánsson
Þriðjudaginn 17. nóvember 2020 17:55

Það styttist í bólusetningar gegn kórónuveirunni. Mynd úr safni.

Ekki missa af Helstu tíðindum dagsins í pósthólfið þitt

Lesa nánar

Kate O‘Brien, sérfræðingur hjá Alþjóðaheilbrigðismálastofnuninni WHO, varar við efasemdum um bóluefni og bólusetningar og segir að þær geti grafið undan baráttunni við heimsfaraldur kórónuveirunnar. Hún segir að þrátt fyrir að vinnan við þróun bóluefna sé á góðri leið þá geti opinberar efasemdir um bóluefnin og bólusetningar orðið til þess að þessi vinna verði fyrir gýg.

Þetta sagði hún á föstudaginn en hún stýrir þeirri deild WHO sem hefur yfirumsjón með bólusetningum og ónæmi. „Ef bóluefni verður bara geymt í frysti eða ísskáp eða upp í hillu þá gerir það ekkert til að stytta þennan heimsfaraldur,“ sagði hún.

Hún lét þessi orð falla eftir að Pfizer lyfafyrirtækið og þýski samstarfsaðili þess, BioNTech, tilkynnti á mánudaginn að bóluefni þeirra veittu 90% allra bólusettra vernd gegn kórónuveirunni. Bóluefnið er nú á þriðja stigi tilrauna en rúmlega 40.000 manns taka þátt í þeim.

O‘Brien segir niðurstöðuna „gríðarlega mikilvæga“ en hún hefur jafnframt áhyggjur af vaxandi efasemdum fólks um allan heim í garð bóluefna og bólusetninga. Rangar upplýsingar og vantraust litar þetta vantraust fólks í garð vísinda.

„Heimsbyggðin mun ekki ná tökum á þessum heimsfaraldri með bóluefnum ef fólk vill ekki láta bólusetja sig,“ sagði hún. Hún hvetur ríki heims því til að gera meira til að auka trú fólks á bóluefnum. „WHO mun ekki gefa neinn afslátt af öryggi eða áhrifum þeirra bóluefna sem unnið er að,“ sagði hún.

Hún sagði að WHO veðji á að eitt eða fleiri bóluefni verði fljótlega samþykkt til notkunar. Markmiðið sé síðan að ríki heims verði búin að bólusetja um 20% íbúa sinna fyrir árslok 2021. Það á að duga til að vernda heilbrigðisstarfsfólk og þá sem eru í mestri áhættu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fyrir 3 dögum

Aldrei sama vindáttin í nokkra daga

Aldrei sama vindáttin í nokkra daga
Pressan
Fyrir 3 dögum

Flugvallarstjóri telur að farþegar þurfi að fara í kórónuveirupróf næstu árin

Flugvallarstjóri telur að farþegar þurfi að fara í kórónuveirupróf næstu árin
Pressan
Fyrir 4 dögum

Endurtalningu er lokið í Georgíu – Úrslitin standa

Endurtalningu er lokið í Georgíu – Úrslitin standa
Pressan
Fyrir 4 dögum

Hörð gagnrýni á „The Crown“ – Segir að þættirnir stefni konungdæminu í hættu

Hörð gagnrýni á „The Crown“ – Segir að þættirnir stefni konungdæminu í hættu