fbpx
Mánudagur 26.október 2020
Pressan

Þetta er kenning Tom Hagen um hvarf Anne-Elisabeth

Kristján Kristjánsson
Þriðjudaginn 2. júní 2020 07:00

Anne-Elisabeth og Tom Hagen.

Ekki missa af Helstu tíðindum dagsins í pósthólfið þitt

Lesa nánar

Hið dularfulla hvarf Anne-Elisabeth Hagen frá heimili sínu í útjaðri Osló í lok október 2018 er ein stærsta ráðgáta norskrar sakamálasögu og ekki er að sjá að málið muni leysast á næstunni. Eiginmaður hennar, Tom Hagen, liggur undir grun um að vera viðriðinn málið en hann þvertekur fyrir að vita neitt um það. En hann hefur sína eigin kenningu um hvað gerðist.

Snyrtilegi, gráhærði maðurinn horfir um öxl sér í hvert sinn sem hann fer út um útidyrnar. Honum finnst eins og fylgst sé með honum og hann hefur ítrekað tekið eftir ókunnugum bílum í hverfinu, bílum sem birtast skyndilega. Heima hjá sér hefur hann á tilfinningunni að óboðnir gestir hafi verið í húsinu. Óboðnir gestir sem hafi gengið um húsið, bílskúrinn og garðinn á meðan hann var ekki heima.

Þegar Tom Hagen kom heim til sín þann 31. október 2018 og fann hótunarbréf á lélegri norsku í staðinn fyrir eiginkonu sína var hann ekki í neinum vafa. Eiginkonu hans til tæplega 50 ára hafði verið rænt af samviskulausum glæpamönnum sem vildu særa hann persónulega og fjárhagslega. Þeir höfðu líklega falið sig í bílskúrnum og látið til skara skríða þegar hann var farinn til vinnu.

Þetta eru þær hugmyndir sem hann viðraði við lögregluna í yfirheyrslu nokkrum mánuðum eftir hvarf Anne-Elisabeth. Þetta kann allt að hljóma ótrúlegt en eins og með svo margt annað í þessu undarlega máli þá þarf það kannski ekki að koma á óvart.

Þegar umrædd yfirheyrsla fór fram þá lá Tom ekki undir grun, lögreglan taldi hann þá vera fórnarlamb. TV2 skýrir frá þessu.

Fram kemur að Tom hafi grunað marga um aðild að málinu og að fylgst hafi verið með honum um langa hríð áður en eiginkona hans var numin á brott. Í yfirheyrslu sagði hann að hann teldi að ráðist hafi verið á hana þegar hún var í baði og að líklega hafi henni verið gefið svefnlyf áður en hún var flutt á brott.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Loftmengun verður hálfri milljón barna að bana árlega

Loftmengun verður hálfri milljón barna að bana árlega
Pressan
Fyrir 2 dögum

Hald lagt á 2,3 tonn af kókaíni

Hald lagt á 2,3 tonn af kókaíni
Pressan
Fyrir 2 dögum

Gríðarlegur taprekstur flugfélaga – Sex milljarðar á dag

Gríðarlegur taprekstur flugfélaga – Sex milljarðar á dag
Fyrir 2 dögum

Fjölskyldan hefur aldrei veitt meira saman

Fjölskyldan hefur aldrei veitt meira saman
Pressan
Fyrir 3 dögum

Níu úr sömu fjölskyldu létust – Borðuðu núðlur sem voru geymdar í frysti

Níu úr sömu fjölskyldu létust – Borðuðu núðlur sem voru geymdar í frysti
Fyrir 3 dögum

Mokveiði ennþá í Eystri Rangá

Mokveiði ennþá í Eystri Rangá
Pressan
Fyrir 4 dögum

Ástralía, Indland, Bandaríkin og Japan taka þátt í stórri heræfingu á Indlandshafi

Ástralía, Indland, Bandaríkin og Japan taka þátt í stórri heræfingu á Indlandshafi
Pressan
Fyrir 4 dögum

NASA og Nokia ætla að koma upp 4G farsímakerfi á tunglinu

NASA og Nokia ætla að koma upp 4G farsímakerfi á tunglinu