Daily Mail skýrir frá þessu. Haft er eftir frænda hennar, Joseph Johnson, að hann óttist þetta. Hann er móðurbróðir Meghan. Í samtali við blaðið rifjaði hann upp minningar um þakkargjarðarhátíðir sem Meghan eyddi með fjölskyldu sinni.
Hann sagðist ekki hafa trú á að Meghan muni nokkru sinni aftur halda upp á þakkargjörðarhátíðina með ættingjum sínum vestanhafs nema hún vilji það virkilega sjálf og óski eftir því. Fjölskyldan verði þá til staðar fyrir hana ef svo fer. Hann sagðist telja að allskonar reglur bresku hirðarinnar komi í veg fyrir að hún geti gert þetta.
Hann sagði orðið langt síðan hann eða aðrir ættingjar hafi hitt Meghan og móður hennar, Doria Ragland. Í raun hefur hún ekki hitt neina ættingja sína, nema móður sína, síðan samband hennar og Harry hófst.
Ekki hefur verið tilkynnt hvar hertogahjónin ætla að halda upp á þakkargjörðarhátíðina að þessu sinni. Daily Mail hefur heimildir fyrir að Meghan hyggist fá móður sína til sín og fagna deginum með henni, Harry og syni þeirra Archie í Frogmore Cottage í Windsor. Hjónin ætla að eyða jólunum með móður Meghan að þessu sinni en síðustu tvö ár hafa þau eytt þeim með Elísabetu drottningu í Sandringham.
