Þá hafa allar fjárveitingar til framkvæmdanna verið frystar. Bloomberg skýrir frá þessu. Í yfirlýsingu frá fyrirtækinu sem annast rekstur flugvalla í Dubai kemur fram að verið sér að fara yfir langtímaáætlanir fyrir flugvöllinn og að ekki sé búið að gera nákvæmar tímaáætlanir eða fara út í smáatriði í þeirri vinnu.
Al Maktoum er um 37 km frá borginni Dubai. Upphæð sem svarar til tæplega 400 milljarða íslenskra króna hefur verið tekin til hliðar til að fjármagna byggingu vallarins sem á með tímanum að taka við hlutverki Dubai International Airport.
Hagvöxtur í Dubai var á síðasta ári sá minnsti síðan 2010. Ástæðurnar eru meðal annars pólitísk staða í heimshlutanum, lágt olíuverð og sú staðreynd að ferðamannaiðnaðurinn hefur staðið í stað síðan 2017.
Nokkur flugfélög nota nú þegar Al Maktoum flugvöllinn en 26,5 milljónir farþega fóru um hann á síðasta ári. Markmiðið er að hann eigi í framtíðinni að þjóna um 260 milljónum farþega á ári. Það eru tvöfalt fleiri farþegar en fara um Atlanta International Airport í Bandaríkjunum á ári hverju en það er sá flugvöllur sem flestir fara um í dag.