Leeds er sagt undirbúa tilboð í markvörðinn Nick Pope hjá Newcastle fyrir sumargluggann.

Stjórinn Daniel Farke vill styrkja markvarðarstöðuna eftir að brasilíski markvörðurinn Lucas Perri fékk leyfi til að yfirgefa félagið.

Pope, sem er 34 ára gamall og á tíu A-landsleiki að baki fyrir England, hefur átt erfitt uppdráttar hjá Newcastle á tímabilinu og gæti farið í sumar, sér í lagi ef James Trafford kemur frá Manchester City, en hann er sterklega orðaður við félagið.

Leeds hefur tryggt sér áframhaldandi veru í ensku úrvalsdeildinni og Farke vill bæta meiri reynslu og breidd við hópinn fyrir næsta tímabil.