fbpx
Mánudagur 17.janúar 2022
Fréttir

Við græddum á veikum spilafíklum – Heilsíðuauglýsing með nafnalista stjórna sem reka spilakassa

Erla Hlynsdóttir
Miðvikudaginn 17. júní 2020 17:55

Hátt í 700 Íslendingar eru hugsanlega spilafíklar en tæplega sex þúsund glíma við verulegan spilavanda. Mynd/Valli

Ekki missa af Helstu tíðindum dagsins í pósthólfið þitt

Lesa nánar

Samtök áhugafólks um spilafíkn birtu heilsíðuauglýsingu í Fréttablaðinu í dag þar sem er listi yfir nöfn stjórnarfólks í þeim félögum, fyrirtækjum og stofnunum sem koma að rekstri spilakassa á Íslandi. 

„Í stjórnum þessara félaga sitja einstaklingar sem láta átölulaust að fólk sem er veikt af spilafíkn spili frá sér aleiguna. Spilafíklar, börn þeirra, fjölskyldur og vinir skila skömminni af spilakössum til þeirra sem eiga þá og reka,” segir í auglýsingunni.

Tæpir fjórir milljarðar til rekstraraðila

Spilakassar hér á landi eru reknir af tveimur aðilum; Íslandsspilum og Happdrætti Háskóla Íslands. Íslandsspil eru í eigu Rauða kross Íslands (64%), Slysavarnafélagsins Landsbjargar (26,5%) og SÁÁ (9,5%). Í auglýsingunni eru birt nöfn stjórnarfólks hjá öllum þessum félögum auk stjórnar Háskóla Íslands.

Yfirskrift auglýsingarinnar er „Við græddum 3.721.000.000 kr. á veikum spilafíklum” og miðast útreikningarnir við svör dómsmálaráðherra við fyrirspurn Björns Levís Gunnarssonar, þingmanns Pírata, frá því í fyrra og er í svörunum miðað við rekstur spilakassa á árunum 2015-2018. Tengill á svarið kemur fram í auglýsingunni.

Alma Hafsteinsdóttir, formaður Samtaka áhugafólks um spilafíkn, segist hafa fengið gríðarleg viðbrögð í dag vegna auglýsingarinnar. Mynd/Aðsend.

Loksins talað máli spilafíkla

Alma Hafsteinsdóttir, formaður Samtaka áhugafólks um spilafíkn, segist hafa fengið gríðarleg viðbrögð í dag vegna auglýsingarinnar frá aðstandendum spilafíkla og spilafíklum sjálfum. „Þeir upplifa að hingað til hafi veruleika þeirra verið haldið í myrkrinu og að loks sé verið að lýsa starfseminni eins og hún raunverulega er. Þeir sem stendur að spilafíklum hafa verið ráðþrota, enginn hefur viljað tala við þá eða hlusta á það sem þeir eru að ganga í gegn um,” segir hún.

Umfjöllun um spilakassa og málefni spilafíkla hafa verið áberandi í fjölmiðlum síðan í maímánuði eftir að Samtök áhugafólks um spilafíkn birti niðurstöður könnunar þar sem kom í ljós að 86 prósent svarenda vildu að spilakassar verði lokaðir til frambúðar. Spilakössum Íslandsspila og Happdrættis Háskóla Íslands var lokað 20. mars vegna COVID-19 en byrjað að opna þá aftur í maí.

Þöggun í krafti valds

Í auglýsingunni segir ennfremur: „Að banna spilakassa læknar ekki spilafíkn en það er samt vitað að spilakassar eru það fjárhættuspil sem er mest ávanabindandi. Þrisvar til fjórum sinnum meira ávanabindandi en til að mynda póker og íþróttaveðmál.”

Alma segir þessa nafnabirtingu nánast vera þrautarlendingu en í gegn um árin hafi fulltrúar Samtaka áhugafólks um spilafíkn upplifað að þau tali fyrir daufum eyrum þeirra sem ráða. „Menn hafa viljað þagga þessa umræðu niður í krafti valdsins,” segir hún og vísar þar til þeirra sem koma að rekstri spilakassanna. 

DV hefur þegar óskað eftir viðbrögðum frá forsvarsfólki Íslandsspila, Happadrættis Háskóla Íslands og Háskóla Íslands.

Auglýsingin birtist í Fréttablaðinu í dag á bls. 14.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Þórólfur bað ríkisstjórnina að íhuga víðtækar lokanir í samfélaginu í 10 daga

Þórólfur bað ríkisstjórnina að íhuga víðtækar lokanir í samfélaginu í 10 daga
Fréttir
Fyrir 2 dögum

Formaður FKA neitar að stíga til hliðar eftir umdeilt „læk“ við færslu Loga Bergmanns – „Samþykkti að halda sig til hlés frá fjölmiðlum“

Formaður FKA neitar að stíga til hliðar eftir umdeilt „læk“ við færslu Loga Bergmanns – „Samþykkti að halda sig til hlés frá fjölmiðlum“
Fréttir
Fyrir 3 dögum

Jakob vekur reiði hjá Eddu Falak og Öfgum – „Djöfulsins forréttindablinda og aumingjaskapur“

Jakob vekur reiði hjá Eddu Falak og Öfgum – „Djöfulsins forréttindablinda og aumingjaskapur“
Fréttir
Fyrir 3 dögum

Lækna-Tómas ósáttur með áform Arion banka – „Úlfur í sauðagæru“

Lækna-Tómas ósáttur með áform Arion banka – „Úlfur í sauðagæru“