Þúsundir aðdáenda smáflóðhestsins Moo Deng flyktust í dýragarðinn Khao Kheow Zoo í Tælandi til þess að fagna ens árs afmæli hennar. Moo Deng hefur heillað heimsbyggðina og er af mörgum talin mesta krútt heims.
Moo Deng varð heimsfræg eftir að starfsmenn dýragarðsins fóru að sýna frá henni á samfélagsmiðlum. Hefur hún eignast aðdáendur um allan heim.
Margir komu langt að til þess að fylgjast með eins árs afmæli hennar á fimmtudag eins og kemur fram í frétt AP um málið.
„Ég bara elska hana svo mikið að ég ákvað að taka þriggja eða fjögurra daga frí úr vinnu til að fara að sjá hana,“ sagði Molly Swindall, sem ferðaðist frá New York í Bandaríkjunum til að fagna Moo Deng. „Ég gat látið það ganga upp að fara til Tælands. Ég verð þarna aðeins í um 30 klukkutíma en það er nóg til að geta farið að sjá Moo Deng og það er nákvæmlega það sem ég gerði.“
Starfsmenn dýragarðsins gera ráð fyrir að um 12 þúsund gestir hafi komið til að sjá Moo Deng á afmælisdaginn. Hún her helsta aðdráttarafl dýragarðsins.
