Fimm voru handteknir í umfangsmiklum aðgerðum lögreglunnar í dag á höfuðborg­ar­svæðinu, Suður­landi, Suður­nesj­um og Norður­landi eystra,  vegna rökstudds gruns um mansal, peningaþvætti, brot á atvinnuréttindum útlendinga og gruns um skipulagða brotastarfsemi. RÚV greindi frá.

Húsleit var gerð á tugum staða um land allt, en um er að ræða stærstu aðgerð lögreglunnar af þessu tagi. Húsleitir voru gerðar á heimilum fólks og fyrirtækja. 

Veitingastaðirnir í eigu Davíðs Viðarssonar voru lokaðir víða, en hann á  Pho Víetnam og Wok On. Grunur leikur á að hann hafi brotið á réttindum starfsfólks, en hann á veitingastaði og aðra staði víða um land, meðal annars gisti­húsið Kast­ali Gu­est­hou­se í miðbæ Reykjavíkur.

Krónan hefur slitið samstarfi við Davíð, en þrír veitingastaðir Wok On voru reknir í verslunum Krónunnar. Aðgerðirnar standa enn yfir. 

Sjá einnig: Umfangsmiklar lögregluaðgerðir í höfuðborginni – Húsleitir á fjölmörgum stöðum