Svo virðist sem Úkraínumenn hafi lagt snilldarlega gildru fyrir Rússa og þannig náð að skjóta vélarnar niður.
Tom Cooper, austurrískur rithöfundur og hernaðargreinandi, hefur skrifað margar bækur um rússneskar herflugvélar. Hann telur að Úkraínumenn hafi lokkað vélarnar í gildru.
Hann segir að fyrsti hluti gildrunnar hafi verið virkjaður daginn áður en þær voru skotnar niður. Þá hafi úkraínskar orustuþotur, líklega af gerðinni Sukhoi Su-24 ráðist á fjölda skotmarka á Krímskaga. Þar hafi þær eyðilagt fjölda ratsjárkerfa.
Þetta gerði að verkum ratsjárkerfi Rússa á jörðu niðri voru hálf blind, sérstaklega í norðurátt þar sem landslagið á Krím er hæðótt og geta úkraínskar flugvélar leynst innan um hæðirnar sem og flugskeyti og drónar.
Rússneski herinn stóð því frammi fyrir augljósum valkosti, sem einnig fól í sér ákveðna áhættu, sem var að senda Beriev A-50 vélina, sem er venjulega yfir suðurhluta Asovhafs, lengra norður á bóginn til að dekka blinda svæðið á Krím.
Cooper segir að Ilushin Il-22 vélin, sem er með 10 manna áhöfn, hafi verið látin fylgja hinni vélinni í þessa hættuför nærri víglínunni í suðausturhluta Úkraínu.
Á gervihnattarmyndum og ratsjárupplýsingum sést að A-50 vélin var yfir bænum Berdiansk, sem er í hinu hertekna Zaporizjzja-héraði, aðeins 75 km frá víglínunni. Hún var því komin innan skotfæris fyrir Patriot-loftvarnarkerfin sem úkraínski herinn hefur komið fyrir við sunnanverða víglínuna.
Cooper segir það hafa verið afgerandi fyrir aðgerðina að Rússar fengju ekki veður af henni og að Patrio-kerfin myndum ekki vera í hættu.
Hann telur hugsanlegt að Úkraínumenn hafi notað önnur flugskeytakerfi og ratsjár til að rugla rússnesku varnarkerfin. Síðan hafi þeir skotið flugskeytum að vélunum af löngu færi. Í kjölfar þeirra fylgdu síðan flugskeyti úr Patriot-kerfunum og hæfðu vélarnar. A-50 vélinni var grandað en hin skemmdist mikið.
Strax í kjölfarið pökkuðu Úkraínumenn loftvarnarkerfunum saman og fluttu þau úr stað til að koma í veg fyrir að Rússar gætu hefnt sín.
Hér er fyrri umfjöllun DV.is um málið.
