fbpx
Mánudagur 15.ágúst 2022
Fréttir

Hilda afhjúpaði meintan hestanauðgara í Mosfellsdal – „You are just making trouble“

Ágúst Borgþór Sverrisson
Föstudaginn 1. júlí 2022 14:38

Ekki missa af Helstu tíðindum dagsins í pósthólfið þitt

Lesa nánar

Hilda Allansdóttir er mikill hlaupa- og göngugarpur. Síðastliðinn laugardag fór hún upp á þrjá tinda, Úlfarsfell, Reykjaborg og Reykjafell. Ferðin var þó ekki að öllu leyti ánægjuleg, nema síður sé. Á leið sinni gekk Hilda fram á mann sem var að svala sér kynferðislega á hesti, að hennar sögn. Maðurinn varð afar vandræðalegur er hann varð var við Hildu og forðaði sér. Henni fannst hins vegar mikilvægt að maðurinn kæmist ekki upp með þetta athæfi, hringdi í lögreglu og veitti manninum eftirför.

Maðurinn, sem er erlendur en virtist kunnugur staðháttum miðað við yfirferð hans um dali og hlíðar á svæðinu, tók afskiptum Hildu illa, steytti að henni hnefa og hrópaði: „You are just making trouble. Go away“.

„Ég kem að honum og manninum bregður rosalega. Hann lagðist þarna með buxurnar niður um sig. Ég hringi strax í lögregluna og er í raun með hana í eyranu allan tímann á meðan ég elti hann upp úr dalnum.“

Hilda segir að lögregla hafi brugðist vel og fljótt við og vildi endilega að hún elti manninn ef hún treysti sér til þess. „Ég hugsaði með mér að ég gæti alltaf hlaupið undan honum,“ segir Hilda sem taldi sig, vegna síns góða líkamlega forms, ávallt geta forðast bein líkamleg átök við manninn.

Hilda greinir frá því að lögreglumenn hefðu komið upp í fjallshlíðar og notast við dróna. Fóru þeir alveg upp á tind Reykjafells. Manninum tókst hins vegar að flýja inn í skóglendi fyrir ofan Reykjalund og hafði lögregla ekki hendur í hári hans þennan dag. En sögunni var ekki þar með lokið.

„Mér finnst mjög gott hvernig lögreglan brást við,“ segir Hilda. Á mánudag rakst hún á manninn aftur fyrir tilviljun:

„Ég hleyp alltaf á morgnana en á mánudeginum er ég í fríi. Vanalega tek ég fjallahlaup en þennan dag ákvað ég á hlaupa inn í Reykjahverfi. Ég hljóp inn í undirgöngin við Brúarland í átt að Álafosskvosinni. Ég er komin inn í göngin þegar ég sé sama manninn. Ég þekkti töskuna hans og klæðnaðinn.“

Maðurinn sneri baki í Hildu en var að snúa sér við er hún hentist aftur út úr göngunum og hringdi á lögregluna. Maðurinn settist niður við leiksvæði barna í nágrenninu og sat þar á bekk er lögregla koma á vettvang og handtók hann. Lögreglumenn sögðu við Hildu að manninum hafi greinilega verið ætlað að nást.

Þess má geta að Hilda keppti í fjallahlaupum fyrir nokkrum árum en núna hleypur hún á fjöll sé til skemmtunar og fór t.d. 50 ferðir á Esjuna á níu vikum.

Lögregla staðfestir handtökuna

DV náði samband við Elínu Agnesi Kristínardóttur, aðstoðaryfirlögregluþjón á Stöð 4 hjá Lögreglunni á höfuðborgarsvæðinu. Hún kannast við málið en segir það afar viðkvæmt og vill lítið tjá sig um það. „Lögreglan er með þetta mál til rannsóknar en atvik eru ekki ljós,“ sagði Elín er blaðamaður hafði rakið fyrir henni frásögn Hildu. Getur lögregla ekki veitt frekari upplýsingar um málið.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

„Klikkaðir túristar reyna að láta nýja eldgosið á Íslandi drepa sig“

„Klikkaðir túristar reyna að láta nýja eldgosið á Íslandi drepa sig“
Fréttir
Í gær

Ók um á fjórum nagladekkjum og grunaður um að hafa verið undir áhrifum fíkniefna og lyfja

Ók um á fjórum nagladekkjum og grunaður um að hafa verið undir áhrifum fíkniefna og lyfja
Fréttir
Fyrir 2 dögum

Dóra varar við netsvindlaranum Hlébarða-Dóru – „Fyrirframgreidd kort eru eina vitið“

Dóra varar við netsvindlaranum Hlébarða-Dóru – „Fyrirframgreidd kort eru eina vitið“
Fréttir
Fyrir 3 dögum

Salman Rushdie stunginn ítrekað

Salman Rushdie stunginn ítrekað
Fréttir
Fyrir 3 dögum

Strandgestir flúðu í örvæntingu þegar rússneskar flugvélar sprungu – Atburðirnir á Krím geta breytt stríðinu – Myndband

Strandgestir flúðu í örvæntingu þegar rússneskar flugvélar sprungu – Atburðirnir á Krím geta breytt stríðinu – Myndband
Fréttir
Fyrir 3 dögum

Beindi hníf að lögreglumönnum – Bar hníf upp að hálsi manns

Beindi hníf að lögreglumönnum – Bar hníf upp að hálsi manns
Fréttir
Fyrir 4 dögum

Fordæma netárás og hótanir í garð Fréttablaðsins – „Alvarleg tilraun til að hafa áhrif á sjálfstæða ritstjórn íslensks fjölmiðils“

Fordæma netárás og hótanir í garð Fréttablaðsins – „Alvarleg tilraun til að hafa áhrif á sjálfstæða ritstjórn íslensks fjölmiðils“
Fréttir
Fyrir 4 dögum

Þriðja bílaapótekið

Þriðja bílaapótekið