fbpx
Fimmtudagur 08.desember 2022
Fréttir

Kostnaður við nýjan Landspítala tugi milljarða fram úr áætlun

Kristján Kristjánsson
Miðvikudaginn 16. nóvember 2022 09:00

Mynd-nyrlandspitali.is

Ekki missa af Helstu tíðindum dagsins í pósthólfið þitt

Lesa nánar

Reiknað er með að heildarkostnaður við nýjan Landspítala verði ekki undir 90 milljörðum og er reiknað með að hann verði 27 milljörðum hærri en gert var ráð fyrir í kostnaðarmati frá 2017.

Fréttablaðið skýrir frá þessu. Fram kemur að verðbætur og hátt hrávöruverð hafi hækkað byggingarkostnaðinn mikið.

Kostnaðarmat verkefnisins var uppfært fyrir fimm árum og var þá gert ráð fyrir að heildarkostnaðurinn yrði um 63 milljarðar. Nú er hann farinn að nálgast 90 milljarða eða 27 milljörðum meira en ráð var fyrir gert 2017.

Fréttablaðið hefur eftir Ásbirni Jónssyni, sviðsstjóra framkvæmdasviðs hjá Nýjum Landspítala, að stærstu verkþættirnir séu enn innan þeirra skekkjumarka sem ráð var gert fyrir í upphafi. Ekki sé annað að sjá en verkinu verði lokið 2028 eins og áætlað hafi verið.

Hann sagði að nú sé nákvæmlega 50% af uppsteypunni í meginbyggingunni lokið. Búið sé að hanna burðarvirki og búið sé að bjóða út útveggi.

Hann sagði bygginguna einstakt mannvirki að mörgu leyti. Hún sé hönnuð til að standa af sér stærstu mögulega jarðskjálfta. „Burðarvirkin eiga ekki bara að standa eftir óhögguð heldur á öll starfsemin að standast prófið,“ sagði hann.

Hægt er að lesa nánar um málið í Fréttablaðinu í dag.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Engar áætlanir til um björgun ef skemmtiferðaskip lendir í vanda hér við land

Engar áætlanir til um björgun ef skemmtiferðaskip lendir í vanda hér við land
Fréttir
Í gær

Pútín ók sigurreifur yfir brúna sína en var niðurlægður af litlum drónum

Pútín ók sigurreifur yfir brúna sína en var niðurlægður af litlum drónum
Fréttir
Fyrir 2 dögum

Sprenging heyrðist langt inni í Rússlandi – Síðan kom torrætt úkraínskt tíst

Sprenging heyrðist langt inni í Rússlandi – Síðan kom torrætt úkraínskt tíst
Fréttir
Fyrir 2 dögum

Búðarþjófur hrækti í andlit afgreiðslumanns

Búðarþjófur hrækti í andlit afgreiðslumanns