fbpx
Miðvikudagur 07.desember 2022
Fréttir

Flassari í Laugardal veldur usla – „Tilkynnt um afbrigðilega hegðun í hverfi 105“

Ágúst Borgþór Sverrisson
Þriðjudaginn 17. maí 2022 11:15

Laugardalur

Ekki missa af Helstu tíðindum dagsins í pósthólfið þitt

Lesa nánar

Maður áreitti börn og beraði kynfæri sín fyrir framan þau í Laugardal um hálfáttaleytið í gærkvöld. Börnin voru þá að koma af íþróttaæfingu. Maðurinn er grunaður um að hafa sýnt af sér þetta athæfi oft áður og hefur ratað áður í fréttir vegna þess. Móðir einnar stúlkunnar sem varð fyrir barðinu á manninum í gærkvöld segir svo frá atvikinu í íbúahópi hverfisins á Facebook:

„Dóttir min ásamt öðrum stelpum sem voru við æfingar í laugardal lentu i „flassaranum“ núna fyrr i kvöld. Hann áreitti þær og sýndi kynfærin sín. Hann var auðvitað farinn þegar lögreglan kom a svæðið en ég gaf skýrslu og mun kæra þetta. Vildi bara láta vita svo þið getið brýnt fyrir ykkar börnum að bregðast rétt við eins og stelpurnar gerðu og ekki tala við hann og láta fullorðna strax vita.“

Atvikið átti sér stað við íþróttasvæði Ármanns og Þróttar. Manninum er lýst þannig að hann sé klæddur í græna úlpu, sé alltaf á hjóli og sé fremur brúnn í framan (líklega útitekinn). Hann er mikið á ferðinni í kringum þetta svæði í Laugardalnum.

Lítillega er minnst á málið í dagbók lögreglu en þar segir: „Tilkynnt um afbrigðilega hegðun í hverfi 105, afgreitt á vettvangi.“

DV náði sambandi við Guðmund Pétur Guðmundsson, lögreglufulltrúa á Stöð 1. Segir hann að um þekktan aðila sé að ræða. „Hann hefur oft áður verið þarna á Þróttar-svæðinu en málið er að við eigum aldrei nein sönnunargögn á hann. Hann næst aldrei á myndavélar en sannarlega hefur verið tilkynnt um hann nokkrum sinnum. Þetta er hegðun sem gengur ekki en við verðum alltaf að hafa sönnunargögn.“

Nokkrar umræður spinnast einmitt um það í íbúahópnum hvort brýna ætti fyrir börnum að ná manninum á mynd við athæfi sitt enda eiga þau væntanlega öll snjallsíma. Sumum finnst ekki hægt að ætlast til þess að börn afli sönnunargagna þegar þau eru áreitt kynferðislega, en víst er að myndefni af athæfi mannsins kæmi sér vel fyrir lögreglu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Tíðarfarið kemur illa niður á garðyrkjubændum – Mun meiri raforkukostnaður

Tíðarfarið kemur illa niður á garðyrkjubændum – Mun meiri raforkukostnaður
Fréttir
Í gær

Segja að þetta haldi aftur af rússneska flughernum

Segja að þetta haldi aftur af rússneska flughernum
Fréttir
Fyrir 2 dögum

Sorg og samhugur í Grindavík eftir hvarf skipverjans – „Það var mikið um faðmlög eftir messuna“

Sorg og samhugur í Grindavík eftir hvarf skipverjans – „Það var mikið um faðmlög eftir messuna“
Fréttir
Fyrir 2 dögum

Rússar stela úkraínsku hveiti af miklum móð

Rússar stela úkraínsku hveiti af miklum móð
Fréttir
Fyrir 2 dögum

Tveir ölvaðir ökumenn valdir að umferðaróhöppum

Tveir ölvaðir ökumenn valdir að umferðaróhöppum
Fréttir
Fyrir 3 dögum

Eyþór og Emily fengu ekki að fljúga með barnið sitt til Íslands því þau eru bæði blind – „Ég held að þetta sé kolólöglegt“

Eyþór og Emily fengu ekki að fljúga með barnið sitt til Íslands því þau eru bæði blind – „Ég held að þetta sé kolólöglegt“