Birni H. Halldórssyni, framkvæmdastjóra Sorpu, hefur verið sagt upp störfum hjá fyrirtækinu á meðan mál hans eru í athugun. Þetta var tilkynnt í kjölfar birtingar svartar skýrslu Innri endurskoðunar Reykjavíkurborgar um rekstur Sorpu.

Björn hefur sent frá sér yfirlýsingu þar sem hann mótmælir brottrekstrinum og skýrslu Innri endurskoðunar. Hann segir meðal annars:

„Á þeim 12 árum sem undirritaður hefur gegnt stöðu framkvæmdastjóra SORPU bs. hafa aldrei verið gerðar athugasemdir við störf mín. Á það m.a. við um framsetningu á rekstraráætlun á stjórnarfundum, frávikagreiningu vegna þeirra og áætlanagerð vegna framkvæmda á vegum fyrirtækisins.

Vegna umfjöllunar um málefni SORPU hafna ég þeim ávirðingum sem á mig eru bornar í skýrslu innri endurskoðunar Reykjavíkurborgar, sem reyndar er ekki innri endurskoðandi SORPU og þekkir því takmarkað til fyrirtækisins eða starfsumhverfis og starfa minna.

Skýrsla innri endurskoðanda Reykjavíkurborgar einkennist af röngum, ótraustum og samhengislausum ályktunum um forsendur og gæði starfa minna. Við gerð skýrslunnar hafa t.d. verið dregnar veigamiklar ályktanir af skjölum sem aldrei hafa komið fyrir sjónir mínar. Sýnir það, eitt og sér, hversu óáreiðanleg skýrslan er.“