Lögreglan er byrjuð að taka DNA-sýni úr ættingjum Íslendinga sem hafa horfið á síðustu áratugum til að bera kennsl á líkamsleifar sem finnast. Þetta kom fram í kvöldfréttum RÚV. Rannsakar lögreglan nú framhandlegg sem kom í veiðarfæri fyrir þremur árum. Ekki er vitað af hverjum handleggurinn er en aldursgreining hefur leitt í ljós að hann er ekki mjög gamall. Búið er að fá DNA sýni úr beininu og eftir á að koma í ljós hvort samsvörun finnst við annað sýni úr ættingja.
Alls hafa 110 manns horfið frá árinu 1980.
Núna í vikunni var tilkynnt að kennsl hefðu verið borin á líkamsleifar manns sem hvarf árið 1987. Er það Jón Ólafsson (sjá mynd) sem talið er að hafi fallið í Sogið í Grímsnesi. Dóttir hans er Birgitta Jónsdóttir, sem landsþekkt er fyrir þátttöku sína í stjórnmálum.