fbpx
Mánudagur 20.september 2021
Fréttir

Sigurður Ingi segir sárt að vera bendlaður við Sigmund Davíð á Netflix

Ritstjórn DV
Mánudaginn 21. október 2019 12:32

Velt úr sessi Sigurður Ingi kjörinn formaður.

Ekki missa af Helstu tíðindum dagsins í pósthólfið þitt

Lesa nánar

Sigurður Ingi Jóhannsson , samgöngu- og sveitarstjórnarráðherra og formaður Framsóknarflokksins, segir það sárt að vera bendlaður við spillingarmál í kvikmyndinni The Laundromat sem er sýnd á Netflix. Líkt og DV greindi frá um helgina þá er birt mynd af honum þegar greint er frá því að forsætisráðherra Íslands hafi sagt af sér. Það var hins vegar Sigmundur Davíð Gunnlaugsson sem sagði af sér í hneykslinu fræga sem kennt er við Wintris.

Sigurður Ingi var, ólíkt Sigmundi, ekki í Panamaskjölunum. „Undanfarna daga hefur rignt yfir mig skeytum og símtölum með ábendingum um myndina The Laundromat sem er aðgengileg á Netflix. Í henni er fjallað um Panama-skjölin og lögfræðistofuna Mossack Fonseca. Svo illa vill til að í henni birtist mynd af mér þegar fjallað er um spillta þjóðarleiðtoga. Eins og fólki er eflaust í fersku minni þá var atburðarásin á þann veg að þegar upp komst um eignir Sigmundar Davíðs Gunnlaugssonar, þáverandi forsætisráðherra, í skattaskjólum Mossack Fonseca var hann knúinn til að segja af sér,“ segir Sigurður Ingi.

Hann segir eitt helsta verkefni stjórnmála síðan þá hafi verið að efla traust. „Þetta voru erfiðir tímar í íslenskum stjórnmálum og Íslendingar fullir af réttlátri reiði og því mikil áskorun að setjast í stól forsætisráðherra. Síðan hef ég litið á það sem eitt helsta verkefni mitt og annarra stjórnmálamanna að efla traust í íslensku samfélagi og er sú ríkisstjórn sem nú situr við völd stórt skref í að skapa stöðugleika og mynda sátt í samfélaginu,“ segir Sigurður Ingi.

Hann segist vita um fólk sem hafi kvartað til Netflix: „Ég vil þakka þeim sem haft hafa samband við mig fyrir þann hlýhug og traust sem ég hef fundið en einhverjir hafa að eigin frumkvæði skrifað Netflix og kvartað yfir rangri framsetningu. Eins og mér þykir það sárt og óþolandi að vera bendlaður við þessi spillingarmál í The Laundromat þá verður myndinni vart breytt úr þessu. Falsfréttir eru og verða vandamál á tækni- og upplýsingaöld. Það er áskorun fyrir fjölmiðlaheiminn og framleiðendur efnis að hafa sannleikann ávallt að leiðarljósi.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Yfirlýsing DV: Beittu barni til að stöðva frétt

Yfirlýsing DV: Beittu barni til að stöðva frétt
Fréttir
Fyrir 2 dögum

Gordon Ramsay ráðinn dósent í Háskólanum á Akureyri

Gordon Ramsay ráðinn dósent í Háskólanum á Akureyri
Fréttir
Fyrir 2 dögum

COVID-smitaður handtekinn vegna líkamsárásar og brots á sóttvarnarlögum

COVID-smitaður handtekinn vegna líkamsárásar og brots á sóttvarnarlögum
Fréttir
Fyrir 3 dögum

Eva opnar sig upp á gátt: Höfuðkúpu- og rifbeinsbraut sambýliskonu sína – „Þegar ég vildi komast í efnin mín þá var ekkert sem stoppaði mig“

Eva opnar sig upp á gátt: Höfuðkúpu- og rifbeinsbraut sambýliskonu sína – „Þegar ég vildi komast í efnin mín þá var ekkert sem stoppaði mig“
Fréttir
Fyrir 4 dögum

Anton bar vitni í Rauðagerðismálinu – „Það er búið að rústa öllu hjá mér, fjölskyldulífinu…“

Anton bar vitni í Rauðagerðismálinu – „Það er búið að rústa öllu hjá mér, fjölskyldulífinu…“
Fréttir
Fyrir 4 dögum

Dóttir Sibbu glímir við hræðilegan sjúkdóm en kemur að lokuðum dyrum – „Grátandi og öskrandi af sársauka“ en fær engar bætur

Dóttir Sibbu glímir við hræðilegan sjúkdóm en kemur að lokuðum dyrum – „Grátandi og öskrandi af sársauka“ en fær engar bætur