fbpx
Miðvikudagur 26.júní 2019

DV - Frjáls og óháður miðill

Fókus

Stórmynd Baltasars með nýja stiklu: Ástir og náttúruöfl við hafdjúpið

Tómas Valgeirsson
Þriðjudaginn 8. maí 2018 15:30

Ekki missa af Helstu tíðindum dagsins í pósthólfið þitt

Lesa nánar

„Mig hefur lengi langað til þess að segja ástarsögu, en það er erfitt að finna slíka sem er ekki rómantísk gamanmynd“, segir leikstjórinn Baltasar Kormákur í viðtali við Reykjavík Grapevine, en glænýja stiklu fyrir stórmyndina hans, Adrift, má sjá hér að neðan.

Baltasar segir myndina vera ástarsögu en jafnframt háskasögu „…þar sem náttúruöfl og gífurlegt hafdjúpið er stærsta hindrun ástarinnar.“ Adrift er byggð á sönnum atburðum og segir frá ungu pari sem ætlaði að sigla frá Tahiti til San Diego árið 1983. Á miðri leið lenda þau í fellibylnum Raymond og þegar óveðrið er gengið yfir sjást miklar skemmdir á bátnum og er unnustinn horfinn.

„Mér finnst gaman að strípa allt burt“, segir hann og talar um að vilja segja mannlega sögu þar sem skoðuð er dýrslega hlið manneskjunnar.

„Við sem fólk getum verið siðmenntað en innst inni erum við öll dýr. Við þurfum að stunda kynlíf, skíta og þess háttar… En þegar þú mætir náttúrunni hverfa allir þeir hlutir sem við felum okkur á bakvið, eins og tölvur og símar eða snyrtivörur. Það ert bara þú og náttúran, hrá og blaut.“

Adrift verður frumsýnd hér á landi þann 1. júní og fara Shailene Woodley og Sam Claflin með aðalhlutverkin.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af