fbpx
Laugardagur 22.júní 2024
Fókus

Fólk úr sveitaþorpum Pakistan smakkar íslenskt sælgæti í fyrsta sinn – Myndband

Jakob Snævar Ólafsson
Sunnudaginn 6. ágúst 2023 19:02

Skjáskot Youtube

Ekki missa af Helstu tíðindum dagsins í pósthólfið þitt

Lesa nánar

Meðal hinna ýmsu rása á myndbandaveitunni Youtube er Reactistan. Á rásinni má sjá fólk sem býr í og á uppruna sinn að rekja til lítilla þorpa í dreifbýli Pakistan.

Í enskum skýringatexta með rásinni er fólkið yfirleitt kallað „tribal people“.

Á Reactistan má sjá myndbönd af fólkinu upplifa ýmis vestræn fyrirbrigði í fyrsta sinn, t.d. popplög, kvikmyndir og vestræn matvæli. Fyrir hálfu ári var birt myndband af fólkinu bragða í fyrsta sinn á ýmiss konar sælgæti frá Íslandi. Þótt myndbandið sé orðið þetta gamalt ætti það nú samt sem áður vonandi að vekja áhuga íslenskra lesenda.

Hlýtur að vera eins kalt og ísskápur

Í upphafi myndbandsins er þátttakendum sagt frá að til sé land sem heitir Ísland og verður þá einum þeirra að orði að landið hljóti að vera jafn kalt og ísskápur.

Fram kemur að íslenskur aðdáandi rásarinnar, sem sagður er heita Baldvin Olsen (sem gæti þó verið notandanafn hans), hafi sent ýmis konar sælgæti frá Íslandi og óskað eftir að þátttakendur myndu bragða á því. Ein kona í hópnum vonaðist til þess að Baldvin myndi einhvern tímann koma og hitta þau og spjalla.

Sambó þristur

Fyrst prófaði fólkið Sambó þrist sem er súkkulaðihúðaður lakkrís sem flestir Íslendingar ættu að kannast við.

Þristurinn vakti mikla ánægju og hann minnti einn mann í hópnum á sælgæti sem hann þekkti betur, það sælgæti væri bragðbætt með broddkúmeni sem hann taldi sig finna bragð af í Þristinum.

Broddkúmen er krydd sem mun vera algengt í matargerð í Pakistan og fleiri löndum Austur-Asíu.

Þátttakendur voru einnig ánægðir með að Þristurinn væri ekki óheyrilega klístraður og festist því síður í tönnum þeirra.

Einn í hópnum sagðist myndu vilja kaupa Þrist fyrir börnin sín en borða hann síðan sjálfur.

Gammeldags Lakrids

Gammeldags Lakrids, sem eins og Þristur er framleitt af sælgætisgerðinni Kólus og er íslensk vara þótt nafnið sé danskt, var næst á dagskrá smökkunarinnar.

Einum manninum í hópnum þótti lakkrísinn minna á víra í útliti.

Annar fann bragð af Broddkúmeni. Konurnar í hópnum fundu líka bragð af því og annarri fannst þess vegna bragðið vera full súrt fyrir sinn smekk.

Skiptari skoðanir voru á Gammeldags Lakrids en Þristi. Einum manni fannst varan ekki góð en annar var ósammála.

Á milli smakkana fékk hópurinn að vita ýmsar staðreyndir um Ísland. Þar á meðal að hér væri mikið af jöklum en ein konan sagðist aldrei hafa séð snjó nema í kvikmyndum.

Karamellur

Þriðja tegundin sem fólkið bragðaði á voru karamellur frá sælgætisgerðinni Góu.

Flest þeirra höfðu án efa bragðað karamellur áður og raunar minntu karamellurnar eina konuna á sælgæti sem hún hafði bragðað áður.

Ein konan í hópnum sagði að hún fyndi brunabragð af karamellunum frá Góu.

Einn maðurinn var hins vegar ánægðari og vildi hafa pakka af þeim með sér heim.

Eftir þessa þriðja smökkun var hópnum tjáð að lakkrís væri mjög vinsæll meðal Íslendinga en einum manni þótti líklegt að lakkrísrót hlyti að vaxa á trjám hér á landi.

Lindubuff

Fjórða sælgætið sem hópurinn bragðaði á var Lindubuff en ekki vildi betur til en svo að það var allt klesst eftir flutninginn frá Íslandi. Var þá gripið til þess ráðs að borða það með skeið.

Svona klesst þótti Lindubuff minna á smjör. Einum þátttakandanum líkaði bragðið mjög vel og sagði Lindubuffið það besta af sælgætistegundunum sem hópurinn hafði smakkað og sessunautur hans tók undir það.

Annar sagði að betra hefði verið að fá Lindubuffið í betra ásigkomulagi en það væri samt frábært.

Ísing og Hnetutoppskurl

Hópurinn prófaði að lokum íssósuna Ísing, sem harðnar eftir að henni er helt yfir ís, og Hnetutoppskurl frá Emmessís.

Hópurinn borðaði báðar vörurnar með ís.

Einum þátttakanda þótti kurlið full hart til að borða með ís.

Ísing vakti hins vegar mikla lukku í hópnum. Einn maðurinn í hópnum sagði bragðið vera „mind-blowing“ sem samkvæmt Google þýðist sem magnað á íslensku

Ein konan sagði að hún teldi ís góðan fyrir heilsuna þótt að öðru væri haldið fram.

Hópurinn var að lokum mjög þakklátur fyrir sendinguna og að fá tækifæri til að bragða íslenskt sælgæti í fyrsta sinn.

Myndbandið má sjá hér að neðan:

 

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Í gær

Ben Affleck opnar sig um samband hans og Jennifer Lopez – „Fokking sturlað“

Ben Affleck opnar sig um samband hans og Jennifer Lopez – „Fokking sturlað“
Fókus
Í gær

Eiginkona Kanye West ber að ofan á almannafæri – Aðeins með límband sem huldi lítið

Eiginkona Kanye West ber að ofan á almannafæri – Aðeins með límband sem huldi lítið
Fókus
Fyrir 2 dögum

Simma heitt í hamsi þegar talið barst að Svövu – „Hún er tekin þarna í viðtal í geðshræringu“

Simma heitt í hamsi þegar talið barst að Svövu – „Hún er tekin þarna í viðtal í geðshræringu“
Fókus
Fyrir 2 dögum

Maríanna segir að hún sé ekki grey þó það hafi verið haldið framhjá henni – „Ég er bara kona sem valdi rangan maka“

Maríanna segir að hún sé ekki grey þó það hafi verið haldið framhjá henni – „Ég er bara kona sem valdi rangan maka“
Fókus
Fyrir 3 dögum

Óvæntur ávinningur af kynlífi sem sjaldan er rætt um

Óvæntur ávinningur af kynlífi sem sjaldan er rætt um
Fókus
Fyrir 3 dögum

Vandamálin sem klámstjarnan glímir við í einkalífinu – „Ég hætti við stefnumótið og talaði aldrei aftur við hann“

Vandamálin sem klámstjarnan glímir við í einkalífinu – „Ég hætti við stefnumótið og talaði aldrei aftur við hann“
Fókus
Fyrir 3 dögum

Ferðabloggari segir að þetta sé það heimskulegasta sem þú getur gert á Íslandi

Ferðabloggari segir að þetta sé það heimskulegasta sem þú getur gert á Íslandi
Fókus
Fyrir 3 dögum

Birtu fangamyndina af Justin Timberlake

Birtu fangamyndina af Justin Timberlake