Keppnistímabilið 2023-24 í Subway deild kvenna í körfubolta er nýhafið en keppni í Subway deild karla hefst á morgun.
Af þessu tilefni hefur DV tekið saman verð á árskortum sem félögin bjóða stuðningsmönnum sínum til sölu. Í árskortum eru yfirleitt innifalinn aðgangur á alla heimaleiki viðkomandi félags, a.m.k. í deildarkeppninni en misjafnt er hvort aðgangur á leiki í bikarkeppni og úrslitakeppni er hluti af því.
Flest félög bjóða upp á mismunandi gerðir árskorta og þá með þeim formerkjum að því hærra verð sem stuðningsmenn greiða því meira sé innifalið í kortinu.
Það er einnig misjafnt hvort félögin eru með lið í bæði Subway deild karla og kvenna sem getur mögulega haft áhrif á verð árskortanna. Þau félög sem eru með lið í báðum deildum bjóða yfirleitt upp á kort sem gilda á heimaleiki bæði karla- og kvennaliðsins. Hér á eftir verður því félögunum skipt í hópa eftir því hvort þau eru með lið í báðum deildum eða annarri hvorri. Fyrst verða tekin fyrir félög sem hafa lið í báðum deildum. Það er síðan lesenda að meta hvaða félag býður best
Félögin bjóða kortin til sölu í gegnum miðasöluappið Stubbur og byggir þessi samantekt á uppgefnum verðum í því appi.
Breiðablik:
Aðgangur fyrir 2 að öllum heimaleikjum karla og kvenna í Subway deildinni (ekkert minnst á bikarkeppni eða úrslitakeppni, innsk. DV): 40.000 krónur.
Aðgangur fyrir 1 að öllum heimaleikjum karla og kvenna í Subway deildinni (ekkert minnst á bikarkeppni eða úrslitakeppni, innsk DV): 25.000 krónur.
Fyrir foreldra leikmanna og iðkenda körfuknattleiksdeildar. Gildir fyrir 1 á heimaleiki hjá meistaraflokkum karla og kvenna: 20.000 krónur.
Aðgangur fyrir ungmenni 16-25 ára að heimaleikjum karla og kvenna í Subway deildinni (ekkert minnst á bikarkeppni eða úrslitakeppni, innsk. DV): 15.000 krónur.
Grindavík:
Aðgangur að öllum heimaleikjum í deildar-, bikar-. og úrslitakeppni, merkt sæti í stúku, bjór og hamborgari fyrir leiki og ókeypis aðgangur að lokahófi: 100.000 krónur.
Aðgangur að öllum heimaleikjum í deildar- bikar og úrslitakeppni og stuðningsmannabolur úr netverslun: 60.000 krónur.
Aðgangur fyrir par/hjón að öllum heimaleikjum í deildarkeppninni: 50.000 krónur.
Aðgangur fyrir 1 á alla heimaleiki í deildarkeppninni: 30.000 krónur.
Haukar:
Aðgangur að öllum heimaleikjum í Subway deildum karla og kvenna (ekki tekið fram hvort það gildir líka um úrslirakeppnina, innsk. DV). Gildir ekki á bikarleiki. Árskort veitir aðgang að „betri stofu“ í hálfleik: 35.000 krónur.
Keflavík:
Aðgangur að öllum heimaleikjum í deildarkeppninni. Gildir ekki á leiki í bikarkeppni og úrslitakeppni: 30.000 krónur/2.500 krónur á mánuði.
Stjarnan:
Aðgangur að öllum heimaleikjum í deildarkeppninni ( af því má ráða að árskortið gildi ekki á heimaleiki í bikar- og úrslitakeppni): 25.000 krónur.
Valur:
Aðgangur fyrir tvo að öllum heimaleikjum ( ekki tekið sérstaklega fram hvort það á við um úrslitakeppni, innsk. DV): 60.000 krónur/5.000 krónur á mánuði.
Aðgangur fyrir tvo að öllum heimaleikjum (ekki tekið sérstaklega fram hvort það á við um úrslitakeppni, innsk. DV), nema bikarleikjum: 40.000 krónur/3.400 krónur á mánuði.
Aðgangur fyrir einn að öllum heimaleikjum nema bikarleikjum: 25.000 krónur/2.100 krónur á mánuði.
Aðgangur fyrir foreldra iðkenda hjá körfuknattleiksdeild Vals að öllum heimaleikjum (ekki tekið sérstaklega fram hvort það á við um úrslitakeppni, innsk. DV) nema bikarleikjum. Aðgangurinn gildir fyrir einn: 15.000 krónur.
Álftanes: Álftanes keppir í vetur í fyrsta sinn í efstu deild karla í körfubolta en er hins vegar ekki með lið í Subway deild kvenna. Félagið býður upp á eftirfarandi möguleika í kaupum á árskortum:
Aðgangur að öllum heimaleikjum (ekki tekið sérstaklega fram hvort það á við um úrslitakeppni, innsk. DV), miði á bikarleiki, VIP aðgangur – þjálfari fer yfir leikplan fyrir leiki, bjór, hamborgari, frítt kaffi og frátekið sæti í sal fyrir hvern leik: 55.000 krónur/5.000 krónur á mánuði.
Aðgangur að öllum heimaleikjum (ekki tekið fram hvort það gildi líka um úrslitakeppni og bikarkeppni, innsk. DV) fyrir tvo og frítt kaffi fyrir tvo: 39.500 krónur/ 3.500 krónur á mánuði.
Aðgangur að öllum heimaleikjum (ekki tekið fram hvort það gildi líka um úrslitakeppni og bikarkeppni, innsk. DV), aukamiði á 50 prósent afslætti: 25.500 krónur/ 2.500 krónur á mánuði.
Fjölnir: Fjölnir er með lið í Subway deild kvenna og 1. deild karla og eru árskort félagsins sögð gilda á alla heimaleiki karla – og kvennaliðsins, nema bikarleiki.
Miði á alla heimaleiki (ekki tekið sérstaklega fram hvort það á við um úrslitakeppni, innsk. DV), nema bikarleiki. Kaffi í leikhléi, 50 prósent afsláttur fyrir einn gest og tækifærismyndataka úti eða í stúdíói: 45.000 krónur.
Miði á alla heimaleiki (ekki tekið sérstaklega fram hvort það á við um úrslitakeppni, innsk. DV), nema bikarleiki. Kaffi í leikhléi, 50 prósent afsláttur fyrir einn gest og boð á tvo fundi með þjálfara hvors liðs: 35.000 krónur.
Miði á alla heimaleiki (ekki tekið sérstaklega fram hvort það á við um úrslitakeppni, innsk. DV), nema bikarleiki. Kaffi í leikhléi, 50 prósent afsláttur fyrir einn gest: 25.000 krónur.
Miði á alla heimaleiki ( ekki tekið sérstaklega fram hvort það á við um úrslitakeppni, innsk. DV), nema bikarleiki. Kaffi í leikhléi: 20.000 krónur.
Hamar: Hamar er með lið í Subway deild karla og með sameiginlegt lið með Þór Þorlákshöfn í 1.deild kvenna. Samkvæmt Stubbs-appinu gilda eftirfarandi árskort aðeins á leiki karlaliðs Hamars:
Miði á alla heimaleiki (ekki tekið sérstaklega fram hvort það á við um úrslita- og bikarkeppni, innsk. DV), hamborgari og ótakmarkað magn af bjór eða gosi fyrir leik, treyja og miði á Herrakvöld Hamars 2024: 100.000 krónur/10.000 krónur á mánuði.
Miði á alla heimaleiki (ekki tekið sérstaklega fram hvort það á við um úrslita- og bikarkeppni, innsk. DV), hamborgari og bjór eða gos fyrir leik: 40.000 krónur/3.500 krónur á mánuði.
Miði á alla heimaleiki (ekki tekið sérstaklega fram hvort það á við um úrslita- og bikarkeppni, innsk. DV): 17.000 krónur/2.000 krónur á mánuði.
Ungmennakort fyrir 16-23 ára: 9.900 krónur.
Höttur: Höttur er með lið í Subway deild karla en ekki kvenna.
Árskort (engar upplýsingar koma fram í Stubbs-appinu um hvað felst nákvæmlega í árskorti á heimaleiki Hattar, innsk. DV): 15.000 krónur.
Þór Akureyri:
Þórsarar fyrir norðan eru með lið í Subway deild kvenna og 1. deild karla. Ekki er annað að sjá en að árskortið sem félagið býður til sölu gildi á leiki beggja liðanna.
Aðgangur að öllum heimaleikjum (á kortinu sjálfu segir að það eigi við um deildarleiki því virðist kortið ekki gilda á leiki í úrslita- eða bikarkeppninni, innsk. DV): 25.000 krónur.
Þór Þorlákshöfn:
Þór í Þorlákshöfn er með lið í Subway deild karla en með sameiginlegt lið með nágrönnum sínum í Hamar í fyrstu deild kvenna. Af upplýsingum í Stubbs-appinu er hins vegar vart annað að ráða en að árskortin gildi eingöngu á leiki karlaliðsins:
Aðgangur að öllum heimaleikjum í deild, bikarkeppni (gildir einnig á undanúrslit og úrslit bikarkeppninnar í Laugardalshöll) og úrslitakeppni, ásamt boðsgesti. Aðgangur að lokahófi, súpa og brauð fyrir leiki, merkt og frátekið sæti að eigin vali, treyja merkt með nafni og númeri: 99.000 krónur/8.390 krónur á mánuði.
Aðgangur að öllum heimaleikjum í deild, bikarkeppni (gildir einnig á undanúrslit og úrslit bikarkeppninnar í Laugardalshöll) og úrslitakeppni, ásamt boðsgesti. Aðgangur að lokahófi, súpa og brauð fyrir leiki: 66.000 krónur/ 5.690 krónur á mánuði.
Aðgangur að öllum heimaleikjum í deild, bikarkeppni (gildir einnig á undanúrslit og úrslit bikarkeppninnar í Laugardalshöll) og úrslitakeppni. Aðgangur að lokahófi, súpa og brauð fyrir leiki: 33.000 krónur/2.990 krónur á mánuði.
Aðgangur að öllum heimaleikjum í deildarkeppni: 18.ooo krónur.
Á meðan á vinnslu þessarar samantektar stóð voru árskort eftirtalinna félaga sem eru með lið í bæði Subway deild karla og kvenna í körfubolta veturinn 2023-24, eða annarri hvorri deildinni, ekki til sölu í Stubbs-appinu og því eru upplýsingar um verð og hvað er innifalið í árskortum viðkomandi félaga ekki aðgengilegar í appinu.
Njarðvík
Tindastóll
Snæfell
