Þórhildur hefur umsjón með vinsælu Instagram-síðunni Sundur og saman. Hún er verkfræðingur að mennt, lærði einnig jógakennarann en í dag eiga sambönd allan hug hennar. Hún býður bæði einstaklingum og pörum upp á námskeið til að hjálpa fólki að skapa heilbrigt og fallegt samband.
Hún og eiginmaður hennar kynntust árið 2007 þegar þau voru sautján ára gömul og eiga saman tvö börn. Þau opnuðu sambandið fyrir rúmlega sex árum síðan og sjá alls ekki eftir þeirri ákvörðun.
Sjá einnig: „Eftir langar umræður við eiginmann minn ákváðum við að opna sambandið“
Þórhildur greinir frá því í Fókus, sjallþætti DV, að hún sé í öðru sambandi.
„Ég er með samband sem ég er í núna, sem er frekar nýtt. Hann býr ekki á Íslandi þannig við hittumst ekki oft, meira fjarsamband,“ segir hún.
Þórhildur segist ekki hafa fundið fyrir þörfinni að kalla hann kærastann sinn hingað til. Aðspurð hvort nýi makinn hafi hitt eiginmanninn svarar hún játandi. Þau hittast stundum þrjú og fara til dæmis út að borða saman.
Hún ræðir þetta nánar í spilaranum ofar í greininni og segir einnig frá sambandsslitum sem hún gekk í gegnum síðasta vetur og stuðningnum frá eiginmanninum.
Horfðu á þáttinn í heild sinni hér.
Fylgstu með Þórhildi á Instagram og skoðaðu námskeiðin sem hún býður upp á hér.
