Sjónvarpsþættirnir White Lotus hafa notið feikna vinsælda og vann önnur þáttaröðin Golden Globe verðlaunin nú í janúar sem besta stutta þáttaröðin og Jennifer Coolidge var valin besta aukaleikkonan í stuttri þáttaröð. 

Í þeirri þáttaröð þá stinga þær Daphne (Meghann Fahy) og Harper (Aubrey Plaza) eiginmenn sína af og leigja villu fyrir einnar nætur stelpuferð. Villan er ekki uppsett í stúdíói eins og oft er, heldur er til í raun og veru og það besta er að þú getur leigt hana á Airbnb. Það er ef þú átt um 800.000 kr. (5000 evrur) til að spreða fyrir næturgistinguna.

Villan, Villa Tasca, er staðsett í Palermo á Sikiley og á elsti hluti hennar sögu að rekja til 16 aldar eins og segir í lýsingunni. Átta gestir geta gist í einu, en villan samanstendur af fjórum svefnherbergjum hvert með einkabaðherbergi, glæsilegum stofum þar sem hátt er til lofts og vandlega skreytt. Áhugasamir geta skoðað eignina hér.