Trommuleikarinn Egill Örn Rafnsson hefur nú gengið til liðs við þungarokkssveitina DIMMU.
Birgir Jónsson fyrrum trommuleikari hljómsveitarinnar tilkynnti það í lok nóvember að hann væri hættur með sveitinni, og skildu hann og aðrir liðsmenn DIMMU sáttir eftir nokkurra ára samstarf.
Egill er vel kunnur fyrir trommuleik sinn, meðal annars með hljómsveitunum Grafík og Sign. Þá hefur hann áður leikið á ýmsum plötum og tónleikum með meðlimum DIMMU en þeir hafa allir verið vinir í áraraðir og Silli Geirdal bassaleikari DIMMU var um tíma einnig meðlimur Sign.
DIMMA hefur um tíma legið í dvala, en hyggst rísa upp aftur af krafti með vorinu og leika á tónleikum víðsvegar um landið.
Einir eftirminnilegustu tónleikar DIMMU til þessa eru útgáfutónleikarnir fyrir Eldraunir, sem voru haldnir fyrir stappfullum sal í Háskólabíó 10. júní 2017.
Tónleikarnir voru mynd -og hljóðritaðir að hluta og má sjá hér í 35 mínútna video sem Gunnar B. Guðbjörnsson klippti og bræðurnir Silli og Ingó hljóðblönduðu.
