Söngkonan Lady Gaga er að fá rífandi góða dóma fyrir frammistöðu sína í A Star Is born, svo góða að margir eru þegar farnir að orða hana við Óskarinn. Nýlega festi hún kaup á einstaklega flottu fimm hæða húsi í West Chelsea hverfinu í New York. Þar er allt til alls: heimabíó, vínkjallari, sundlaug og spa. Verðmiðinn er ekkert slor, eða 22 milljónir dollara.
Húsið er rúmlega 1000 fm2 með gluggum sem ná frá gólfi upp í loft, litapalettan er grá og hvít,
Stofuna prýðir arinn, eldhúsið er með marmara borðplötum og heimilistækjum í hæsta gæðaflokki og tvöfaldri glerhurð, þar sem gengið er út á 200 útisvæði, þar sem er grill, heitur pottur og borð og stólar.
Svefnherbergin eru fimm, teppalögð og í loftum hanga kristalsljósakrónur. Aðalsvefnherbergið inniheldur eldhúskrók og tvöfalt baðherbergi.
Stjörnuprýdd ljós eru á stigapallinum og hanga þau niður í gegnum allar fimm hæðirnar, til að auka á glamúrinn sem stjarna eins og Lady Gaga á skilið.
Á meðal fyrri eigenda er hönnuðurinn Karim Rashid, og á meðal nágranna eru leikkonurnar Katie Holmes og Emma Stone.
