Fulltrúar á vegum Harry Kane hafa látið Bayern Munchen og Tottenham vita að ákvörðun þurfi að vera tekin varðandi framtíð leikmannsins í þessari viku.

Tilboði Bayern upp á meira en 100 milljónir evra var hafnað af Tottenham á dögunum. Hingað til hefur ekki verið talið að þýska félagið sé til í að bjóða meira í leikmanninn. Daniel Levy og æðstu menn Tottenham eru harðir í horn að taka þrátt fyrir að Kane eigi aðeins ár eftir af samningi sínum.

Bayern taldi tilboð sitt ansi gott og sanngjarnt en það dugði ekki til.

Kane hefur nú látið vita að hann muni ekki skipta um lið eftir að enska úrvalsdeildin hefst um helgina, en Tottenham mætir Brentford á sunnudag.

Kane hefur verið stórkostlegur fyrir Tottenham í áraraðir og skoraði til að mynda 30 mörk í ensku úrvalsdeildinni á síðustu leiktíð.

Harry Kane’s camp has informed Bayern and Tottenham of player’s preference in terms of timing: decision on the deal has to be by the end of this week 🚨⚪️🏴󠁧󠁢󠁥󠁮󠁧󠁿

Kane doesn’t want to move after start of Premier League football on Sunday.

Up to Bayern and… Daniel Levy, again. pic.twitter.com/QNMO6U8XcI

— Fabrizio Romano (@FabrizioRomano) August 8, 2023