Marquinhos, fyrirliði Paris Saint-Germain, hefur greint frá því að Gabriel, miðvörður Arsenal, hafi sent sér skilaboð eftir úrslitaleik Meistaradeildarinnar hann þakkaði honum fyrir stuðninginn eftir að hafa klikkað á lokaspyrnu vítaspyrnukeppninnar.
Marquinhos hljóp strax til Gabriel eftir að hann skaut yfir markið í vítakeppninni gegn PSG, sem tryggði jafnframt sigur franska liðsins, og hughreysti samlanda sinn og liðsfélaga í landsliðinu.
„Daginn eftir sendi hann mér skilaboð og þakkaði mér fyrir stuðninginn, faðmlagið og orðin,“ sagði Marquinhos á blaðamannafundi með brasilíska landsliðinu.
Marquinhos sagði jafnframt að þetta augnablik hafi verið stærsti sigur sinn þetta kvöld.
„Ég sagði honum að halda höfðinu hátt. Hann hefði átt frábært tímabil og væri að mínu mati besti miðvörður heims á þessari leiktíð,“ sagði Marquinhos enn fremur.
