Stuðningsmenn brasilíska kvennalandsliðsins sungu niðrandi söngva um Donald Trump þegar þjóðsöngur Bandaríkjanna var spilaður fyrir vináttulandsleik þjóðanna í Sao Paulo.
Brasilía vann leikinn 2-1 og var þetta aðeins fimmti sigur liðsins gegn Bandaríkjunum í 44 viðureignum.
Umræddir söngvar koma í kjölfar þess að ríkisstjórn Trump lagði til 25 prósenta tolla á innflutning á vörum frá Brasilíu.
Emma Hayes, landsliðsþjálfari Bandaríkjanna, var þó sátt við stemninguna á leiknum í Brasilíu.
„Þetta var mögnuð stemning og margir leikmenn okkar hafa líklega aldrei upplifað svona mikinn kraft frá stuðningsmönnum,“ sagði Hayes meðal annars.
