Læknir danska landsliðsins telur að gangráður Christian Eriksen hafi bjargað honum eftir að hann hneig skyndilega niður í vináttulandsleik gegn Úkraínu.

Morten Boesen, landsliðslæknir Dana, sagði við TV 2 að hann teldi ICD-tæki Eriksen hafa gefið stuð á meðan atvikinu stóð.

„Ég held að gangráðurinn hafi gert nákvæmlega það sem honum var ætlað að gera, að koma honum til baka,“ sagði Boesen.

Eriksen var fluttur á sjúkrahús eftir atvikið en samkvæmt lækninum var hann fljótur að komast til meðvitundar aftur og gekk sjálfur af velli.

„Christian hefur það gott núna,“ sagði Boesen jafnframt.

Eriksen fékk ICD-tæki, sem er blanda af gangráði og hjartastuðtæki, eftir að hann fór í hjartastopp í leik Dana gegn Finnlandi á EM árið 2021.