Roy Keane telur að Harry Kane þurfi að einfalda leik sinn ef England ætlar sér að vinna HM í sumar.

Kane skoraði eina mark Englands í 1-0 sigri á Nýja-Sjálandi í vináttuleik í undirbúningi sínum fyrir mótið, en mikill hiti hefur verið stórt umræðuefni fyrir mótið.

Keane segir að framherjinn eigi ekki að vera að sækja boltann djúpt á miðjuna í þessum aðstæðum.

„Hann þarf ekki að vera fyrir aftan miðlínu að dreifa boltum. Það eru nægilega margir leikmenn sem geta gert það,“ segir Írinn.

„Þú átt að vera inni í teignum. Þú ert besti framherji heims núna. Ef England ætlar að vinna stóran titil verður hann að vera aðalmaðurinn.“

Kane skoraði 61 mark fyrir Bayern Munchen á síðustu leiktíð. England hefur leik á HM gegn Króatíu 17. júní.