Yaya Touré er á leiðinni í sitt fyrsta starf sem aðalþjálfari eftir að hafa náð samkomulagi við Slovan Bratislava.

Touré, sem er fyrrum leikmaður Manchester City og Barcelona, hefur verið að stíga sín fyrstu skref í þjálfun og starfaði áður sem aðstoðarþjálfari hjá Sádi-Arabíu.

Samkvæmt fréttum mun hann taka með sér Darren O’Dea sem aðstoðarþjálfara, en O’Dea hefur áður starfað hjá Celtic og Swansea City.

Ráðning Touré vekur athygli enda um að ræða einn þekktasta miðjumann síðari ára sem nú tekur næsta skref á ferlinum.

Slovan Bratislava vonast til að fá nýjan kraft inn í liðið með komu hans og byggja upp lið sem getur keppt á hæsta stigi í heimalandinu og Evrópu.