Leit lögreglunnar á höfuðborgarsvæðinu að Stefáni Arnari Gunnarssyni, 44 ára karlmanni sem síðast sást til síðdegis á fimmtudag, hefur verið hætt í dag án árangurs.

Leit hélt áfram í dag og var, líkt og gær, leitað á og við Álftanes og tók fjölmenni þátt í leitinni. Lögreglan naut áfram aðstoðar sérsveitar ríkislögreglustjóra, slökkviliðs höfuðborgarsvæðisins, Landhelgisgæslunnar og björgunarsveitarmanna. Leitin var umfangsmikil rétt eins og í gær og var meðal annars notast við þyrlu, dróna, báta og kafara.

Hlé hefur nú verið gert á leitinni fram á mánudag nema nýjar vísbendingar berist lögreglu.