Lögmaður tónlistarmannsins Bubba Morthens ásamt framkvæmdastjóra Öldu Music, Sölva Blöndal, funduðu með Stefáni Eiríkssyni útvarpsstjóra og kröfðust þess að því yrði svarað hvers vegna nýlegt lag sem Bubbi gaf út með tónlistarmanninum Auði hafi varla heyrst á Rás 2. Frá þessu greinir Vísir.

Umrætt lag er lagið Tárin falla hægt sem nýtur mikilla vinsælda á Spotify og er þar á toppi lista yfir þau íslensku lög sem mest hafa verið spiluð. Lagið hefur prýtt toppsætið í um mánuð sem mun benda til fordæma lítilla vinsælda. Telur Bubbi þó að lagið hafi ekki heyrst jafn mikið á Rás 2 og tilefni væri líklega til.

Vísir greinir frá því að lögmaður Bubba, Einar Þór Sverrisson, og Sölvi hjá Öldu Music hafi velt upp þeirri spurningu hvort að dagskrárgerðarmaður Ríkisútvarpsins hafi haft afskipti af spilun lagsins.

Umræddur dagskrármaður er Atli Már Steinarsson en hann er kærasti einna þeirra kvenna sem hefur stigið fram að sakað Auð um að hafa brotið gegn sér kynferðislega. Vakti það svo eftirtekt að Atli hafi ekki verið með tónlistarþátt sinn Atli það ekki á laugardaginn.

Sjá einnig: Thelma, Ýr og Katla saka Auðunn um ofbeldi – „Hann hefur ekki beðist afsökunar“

Matthías Már Magnússon, dagskrárstjóri Rásar 2, hafnaði því alfarið að Atli hafi „verið settur á ís“, eins og Vísir orðar það, í kjölfar áðurnefnds fundar. Hann sé hreinlega í fríi sem hafi löngu verið áætlað. Matthías hafnar því einnig að Tárin falla hægt hafi verið útilokað þó að vissulega sé ósamræmi milli spilunar lagsins á Spotify annars vegar og Spotify hins vegar. „Það eru milljón lög sem gera gott mót á Spotify sem við spilum lítið sem ekkert.“

Hann sagði að vissulega hefði Atli Már haft skoðanir á laginu en hann hafi þó sjálfur bent á að hann væri vanhæfur til að tjá sig um það.

Sjá einnig: Auður snýr aftur og gefur út lag með Bubba