Rúmlega 26.000 miðaldra konur tóku þátt í rannsókninni að sögn Daily Mail. Niðurstaðan var að þær konur sem hvorki borða kjöt né fisk séu 33% líklegri til að mjaðmargrindarbrotna.
Vísindamenn segja hugsanlegt að þetta sé vegna þess að þær innbyrða minna af næringarefnum sem eru tengd við heilbrigði beina. Þeir segja að þetta ýti stoðum undir ráðleggingar um að grænmetisætur þurfi að bæta lykilnæringarefnum við mataræði sitt.
Vísindamenn við Leeds háskóla rannsökuðu hættuna á að konur sem borða kjöt, konur sem borða fisk en ekki kjöt og grænmetisætur mjaðmagrindarbrotni.
Þegar búið var að taka tillit til þátta á borð við reykingar og aldur voru grænmetisætur eini hópurinn sem var í aukinni hættu á að mjaðmagrindarbrotna.
Rannsóknin leiddi einnig í ljós að meðal BMI-tala grænmetisætanna var aðeins lægri en hjá kjötætunum.
Rannsóknin hefur verið birt í BMC Medicine.
