Lögreglan á höfuðborgarsvæðinu fékk tilkynningu um innbrot og átök í íbúð í Laugardalnum á áttunda tímanum í gærkvöldi.

Að sögn lögreglu voru fjórir handteknir á vettvangi grunaðir um líkamsárás, húsbrot og brot gegn vopnalögum. Þrír karlar voru handteknir vegna málsins og ein konu. Þau voru vistuð í fangageymslu lögreglu meðan vinnsla málsins fór fram og var þeim sleppt að lokinni skýrslutöku.

Lögregla fékk svo tilkynningu á tíunda tímanum í gærkvöldi um mann sem reyndi að greiða fyrir vörur með fölsuðum 100 dollara seðli í verslun í Laugardalnum. Málið er í rannsókn, að sögn lögreglu.

Þá handtók lögregla mann á sjötta tímanum í gærkvöldi vegna gruns um húsbrot og heimilisofbeldi. Hann var vistaður í fangageymslu lögreglu vegna málsins.

Þessu til viðbótar voru þrír ökumenn stöðvaðir grunaðir um akstur undir áhrifum lyfja.