Misnotkun lyfseðilsskyldra lyfja er faraldur á Íslandi, og í gær gaf Minningarsjóður Einars Darra út sitt fjórða forvarnarmyndband þar sem minnt er á þá óhuggulegu staðreynd.
Í því er rætt við Báru Tómasdóttur og Óskar Vídalín, foreldra Einars Darra, sem lést á heimili sínu þann 25. maí síðastliðinn eftir neyslu róandi lyfja, hann var aðeins 18 ára, fæddur 10. febrúar 2000.
Einnig er rætt við Einar Loga Einarsson, sjúkraflutningamann hjá Heilbrigðisstofnun Vesturlands, sem er einn þeirra fjögurra sem komu á vettvang þegar sjúkrabíll var kallaður á staðinn.
Rifja þau upp atburði dagsins 25. maí síðastliðinn, daginn sem Einar Darri lést.
Myndbandið er það fjórða af nokkrum sem Minningarsjóður Einars Darra mun gefa út.
Lestu einnig: Minningarsjóður Einars Darra gefur út forvarnarmyndband – „Þú ert grínlaust fljótari að panta þér poka af dópi en pizzu“
Lestu einnig: Minningarsjóður Einars Darra gefur út forvarnarmyndband – „Maður getur ekki ímyndað sér framtíðina án hans“
Lestu einnig: Minningarsjóður Einars Darra gefur út forvarnarmyndband – „Það er aukning í andlátum ungs fólks“
