Maður sem hífður var upp úr Ölfusá á laugardag var úrskurðaður látinn á slysadeild Landspítalans.

Kemur þetta fram í tilkynningu frá Lögreglunni á Suðurlandi, sem fer með rannsókn málsins. Frekari upplýsingar verða ekki veittar að svo stöddu.

Um fjögur leytið síðastliðinn laugardag, barst lögreglu tilkynning um að maður væri í Ölfusá. Ásamt lögreglu, fóru björgunarsveitir og þyrla Landhelgisgæslunnar á vettvang. Þyrlan náði manninum upp úr ánni og flutti hann á slysadeild Landspítalans, þar sem hann var úrskurðaður látinn.

Lögreglan á Suðurlandi fer með rannsókn málsins og mun ekki gefa frekari upplýsingar.