Donald Trump, forseti Bandaríkjanna, hefur birt í myndbandi ávarp á Truth Social þar sem hann lýsir yfir stríði gegn Íran.
Meginmarkmiðið með aðgerðunum sé að koma í veg fyrir að Íran komist yfir kjarnorkuvopn. Viðræður við Írani um kjarnorkumál hafi ekki borið árangur og Íranir hafi haldið áfram að þróa kjarnorku og hafi ekkert vilja gefa þar eftir.
Bæði Bandaríkjamenn og Ísraelar segja að árásirnar séu gerðar í því skyni að koma í veg fyrir að Íranir geti þróað kjarnorkuvopn og til að koma klerkastjórninni í Íran frá völdum.
Ísrael og Bandaríkin hafa gert árásir á Íran frá því snemma í morgun og segir Trump að árásirnar séu til að koma í veg fyrir að Íran geti gert árásir með eldflaugum sem drífi alla leið til Evrópu. Árásirnar hafa beinst gegn hernaðarmannvirkjum, ráðuneyti leyniþjónustu Írans, varnarmálaráðuneytinu og kjarnorkustofnun Írans.
CNN greinir frá því að árásir Ísraela og Bandaríkjamanna í nótt hafi verið samhæfðar. Trump varar við því Bandaríkjamenn geti látið lífið í aðgerðunum í Íran.
Sprengingar hafa verið í mörgum borgum Írans, þar á meðal höfuðborginni, Teheran. Samkvæmt heimildum CNN hafa Bandaríkjamenn undirbúið árásirnar í marga daga.
Fréttin hefur verið uppfærð.
