Uppfært: Lögregluaðgerð á Austurvelli var vegna hnífstungu. Maður var stunginn með hnífi og er ekki vitað um hve alvarlegir áverkar hans eru. Maður er í haldi lögreglu, grunaður um hnífstunguna. 

Lögregla hefur undanfarna klukkustund verið með í gangi umfangsmikla aðgerð á Austurvelli í miðborg Reykjavíkur. Svæði hefur verið stúkað af með gulum lögregluborðum og lögreglumenn hafa sinnt þar vettvangsrannsókn. Samkvæmt sjónarvotti er blóðpollur á svæðinu sem var afmarkað.

Myndefni með frétt: Kolbrún Dögg Arnardóttir

Ennfremur hefur lögregla yfirheyrt vegfarendur á torginu.

Ómerktur lögreglubíll og þrír merktir lögreglubílar hafa verið á svæðinu og tveir sjúkrabílar.

Ekki hefur náðst samband við lögregluna á höfuðborgarsvæðinu vegna málsins.

Myndband frá vettvangi má sjá hér að neðan:

Uppfært kl. 15:55: Samkvæmt frétt Vísis tók sérsveit ríkislögreglustjóra þátt í aðgerðunum. Ekki liggur hins vegar fyrir um hvað málið snýst.

Uppfært kl. 16:05: Samkvæmt upplýsingum frá lögreglunni á höfuðborgarsvæðinu var maður stunginn með hnífi. Ekki er vitað hve alvarlegir áverkar hans eru. Maður var handtekinn, grunaður um hnífstunguna og er hann í haldi lögreglu.