Arsenal er Englandsmeistari í fyrsta sinn í 22 ár en félagið er þegar farið að horfa til næsta tímabils og styrkinga í sumar.

Leikmenn og starfsfólk fögnuðu titlinum saman í gær eftir að Manchester City missteig gegn Bournemouth og getur þar með ekki lengur náð Arsenal.

Yfirmaður knattspyrnumála hjá Arsenal, Andrea Berta, er þegar byrjaður að undirbúa sumargluggann þar sem félagið ætlar sér að verja titilinn á næsta tímabili.

Arsenal hefur verið orðað við nokkra öfluga leikmenn síðustu vikur. Tino Livramento hjá Newcastle er sagður á óskalistanum en hann getur spilað bæði hægri og vinstri bakvörð.

Þá hefur miðjumaðurinn Mateus Fernandes verið orðaður við félagið, en Arsenal er sagt fylgjast grannt með stöðu hans hjá West Ham, sem gæti fallið úr úrvalsdeildinni á næstu dögum.

Í sókninni hafa nöfn á borð við Julian Alvarez og Bradley Barcola verið orðuð við félagið.

The Sun tók saman mögulegt byrjunarlið Arsenal á næstu leiktíð og má sjá það hér að neðan.