Paul Scholes hefur gagnrýnt Mohamed Salah harðlega eftir nýleg ummæli egypska framherjans um Liverpool og knattspyrnustjórann Arne Slot.

Salah vakti mikla athygli þegar hann skrifaði á samfélagsmiðilinn X að Liverpool þyrfti að snúa aftur í „heavy metal football“, hugtak sem margir tengja við sóknarsinnaðan og hraðan fótbolta Jurgen Klopp. Ummælin voru túlkuð sem gagnrýni á núverandi stjóra félagsins, Arne Slot.

Scholes ræddi málið í hlaðvarpinu The Good The Bad & The Football ásamt Nicky Butt og sagði að Sir Alex Ferguson hefði aldrei liðið slíka hegðun.

„Ferguson hefði sparkað honum öfugt út,“ sagði Scholes í gríni en bætti við að Salah hefði líklega aldrei leyft sér að tjá sig svona undir stjórn Skotans. Salah á að spila sinn siðasta leik fyrir Liverpool um helgina en margir velta því fyrir sér hvernig Slot bregst við.

Fyrrum miðjumaður Manchester United sagði einnig að stórstjörnur reyndu oft að beina athyglinni frá eigin frammistöðu þegar illa gengi.

„Salah hefur átt slakt tímabil og svona leikmenn kenna öllum öðrum um nema sjálfum sér,“ sagði Scholes.

Nicky Butt tók í svipaðan streng og taldi að Salah væri að reyna að setja pressu á Slot. Gary Neville gagnrýndi einnig framferði Egyptans og sagði að hann yrði brjálaður ef Manchester United leikmaður myndi haga sér með þessum hætti opinberlega.

Salah hefur aðeins skorað sjö mörk á tímabilinu sem er hans lakasta markatímabil síðan hann kom til Liverpool.