Neymar gat vart haldið aftur af tárunum þegar hann frétti að hann væri valinn í hóp Brasilíu fyrir HM í sumar.
Stórstjarnan deildi myndbandi á samfélagsmiðlum þar sem hann fagnaði ákvörðun Carlo Ancelotti landsliðsþjálfara í faðmi fjölskyldu og vina.
Neymar, sem er tiltölulega nýbúinn að jafna sig á að krossbandsslitum, er markahæsti leikmaður í sögu brasilíska landsliðsins og verður þetta hans fjórða heimsmeistaramót.
Ancelotti segir að reynsla hans og leiðtogahæfileikar hefðu ráðið miklu um valið.
„Við völdum Neymar vegna þess að hann getur hjálpað liðinu, hvort sem það er í eina mínútu eða allan leikinn,“ sagði hann.
Myndbandið er hér að neðan (prófaðu að endurhlaða síðuna eða ýta á þennan hlekk til að sjá það á Instagram, ef það sést ekki hér).
View this post on Instagram
