Fallbarátta ensku úrvalsdeildarinnar mun ekki ráðast fyrr en í lokaumferðinni.
Þetta varð ljóst eftir 2-1 sigur Chelsea á Tottenham í kvöld. Enzo Fernandez og Andrey Santos komu Chelsea í 2-0 en Richarlison minnkaði muninn.
Úrslitin þýða að Tottenham er tveimur stigum fyrir ofan West Ham fyrir lokaumferðina. Þeim dugir jafntefli gegn Everton á heimavelli í lokaumferðinni til að halda sér í deildinni vegna hagstæðrar markatölu gagnvart West Ham, sem tekur á móti Leeds.
Chelsea er komið í Sambandsdeildina á markatölu. Liðið mætir Sunderland í lokaumferðinni og getur enn lyft sér upp í Evrópudeildarsæti með sigri og ef önnur úrslit falla með þeim.
