Leikmenn Arsenal svöruðu margir hverjir gagnrýnisröddum undanfarna mánuði og ár í titilfögnuði liðsins í gær.
Það varð ljóst með jafntefli Manchester City gegn Bournemouth í gær að Arsenal er Englandsmeistari í fyrsta sinn í 22 ár. Leikmenn horfðu á leikinn saman og fögnuðu innilega að honum loknum.
Þá sáust nokkrir leikmenn skjóta aðeins á gagnrýnendur. Piero Hincapie drakk úr Arsenal-brúsa, en enskir miðlar gerðu mikið úr því eftir sigur Manchester City á Arsenal í síðasta mánuði þegar stuðningsmaður bláliða drakk úr brúsa sem hann sagði innihalda tár Arsenal-mann. Fyrirliðinn Martin Ödegaard drakk einnig úr eins brúsa síðar um kvöldið.
Bukayo Saka hélt þá eldræðu fyrir myndvélarnar. „Þau hlógu og grínuðust í 22 ár. Þau hlæja ekki lengur. Þessi bikar er að fara að skína skært.“
"22 years, they were laughing & joking, they’re not laughing anymore."
Bukayo Saka isn't holding back 😮💨 pic.twitter.com/H0u9kMoEtM
— Football on TNT Sports (@footballontnt) May 19, 2026
Leikmenn Arsenal taka á móti sjálfum Englandsmeistaratitlinum eftir leikinn gegn Crystal Palace á útivelli í lokaumferð ensku úrvalsdeildarinnar á sunnudag.
Piero Hincapié with a familiar looking water bottle 😉🔴 pic.twitter.com/bIeihgUUBS
— Sky Sports Premier League (@SkySportsPL) May 19, 2026
