Tom Heaton er samkvæmt enskum miðlum á leiðinni að skrifa undir nýjan eins árs samning við Manchester United.
Markvörðurinn reyndi hefur verið mikilvægur innan hópsins þrátt fyrir takmarkaðan spiltíma og félagið vill halda honum áfram vegna reynslu hans og áhrifa í búningsklefanum. Heaton hefur einnig náð góðu sambandi við unga markvörðinn Senne Lammens sem er talinn eiga bjarta framtíð hjá félaginu.
Manchester United hyggst gera breytingar á markvarðastöðunni í sumar og bæði Andre Onana og Altay Bayindir hafa verið orðaðir við brottför. Því er talið mikilvægt fyrir félagið að halda ákveðnum stöðugleika innan markvarðateymisins.
Casemiro hrósaði Heaton sérstaklega í viðtali í síðustu viku og sagði áhrif hans utan vallar vera gríðarlega mikilvæg fyrir leikmannahópinn.
Hinn 39 ára gamli Heaton kom aftur til Manchester United árið 2021 eftir að hafa áður verið hjá félaginu á yngri árum.
