Chelsea er sagt fylgjast grannt með framherjanum Igor Thiago hjá Brentford fyrir sumarið.

Brasilíumaðurinn hefur átt stórkostlegt tímabil og skorað 22 mörk í 36 leikjum í ensku úrvalsdeildinni.

Þetta hefur eðlilega vakið athygli stærri liða og Xabi Alonso, sem er að taka við sem stjóri Chelsea í sumar, horfir til hans.

Það er þó talið að Brentford hafi lítinn áhuga á að sleppa Thiago, sem er samningsbundinn í fimm ár til viðbótar.

Þar af leiðandi getur félagið leyft sér að verðleggja hann hátt, en talið er að það myndi kosta um 80 milljónir punda að fá hann í sumar.