Bakvörðurinn Achraf Hakimi, hjá Paris Saint-Germain, sá um Metz í leik liðanna í frönsku Ligue 1 í kvöld.
Hakimi kom gestunum í PSG yfir strax á 5. mínútu. Kiki Koyate jafnaði fyrir Metz á 39. mínútu.
Seint í uppbótartíma skoraði Hakimi svo sitt annað mark og tryggði PSG dramatískan 1-2 sigur.
Parísarliðið er á toppi deildarinnar með fullt hús stiga eftir sjö leiki.
Þess má geta að Lionel Messi var ekki með PSG í kvöld vegna meiðsla.
