Fréttir um að Ole Gunnar Solskjær sé að reyna að bola Alexis Sanchez út úr félaginu, eru rangar. Hann telur að hann muni slá í gegn hjá félaginu.
Sanchez hefur upplifað erfitt eitt og hálft ár, sóknarmaðurinn er að koma sér í form eftir að hafa verið lengur í fríi en aðrir, eftir þáttöku í Suður-Ameríkubikarnum.
,,Alexis er svakalegur atvinnumaður, hann kemur inn á hverjum degi. Hann leggur mikið á sig, hann vill vera hluti af þessu hérna,“ sagði Solskjær.
Sögur um að Solskjær hafi hótað honum að hann færi í varaliðið, ef hann myndi ekki finna sér nýtt lið.
,,Þessar sögur um að hann færi í varaliðið, auðvitað ekki. Hann er hluti af okkar hóp og er mjög góður leikmaður. Hann er nokkrum vikum á eftir öðrum en samt mjög nálægt því að vera hluti af þessu.“
,,Við erum ekki með stóran hóp sóknarmanna og Alexis gæti spilað miklu meira en ykkur grunar, við teljum að hann verði góður fyrir félagið. Hann hefur hæfileika.“
