Manchester City vann öruggan sigur á botnliði Huddersfield í ensku úrvalsdeildinni í dag. Lokatölur 3-0 fyrir City sem var mun betra liðið frá upphafi til enda.
Bakvörðurinn Danilo kom City á bragðið í fyrri hálfleik eftir sendingu frá Kyle Walker.
Kun Aguero og Kevin de Bruyne voru mættir aftir í byrjunarliðið en Gabriel Jesus sem raðað hefur inn mörkum var skellt á bekkinn.
Það voru kantmennirnir Raheem Sterling og Leroy Sane sem gengu frá Huddersfield með tveimur mörkum og öruggur sigur City í hús.
City er eftir sigurinn áfram fjórum stigum á eftir Liverpool sem er á toppnum.
